Көру қабілетінде бұзылысы бар балаларды қамтуға арналған қолдау стратегиялары
Көзі нашар көретін оқушыны оқытудағы ең маңызды нәрсе – кеңістікті бағдарлауға, жылдам әрекет етуге және дербестікке үйрету.
Көзі нашар көретін балалардың дербестігін ұйымдастырудың бағыттары:
Мектеп ішіндегі және мектеп сыртындағы негізгі маршруттармен таныстыру. Балаға кедергілер немесе баспалдықтар, тар кіреберіс туралы айтылады.
Ұстап көру арқылы оңай анықталатын объектілердің бөлменің әртүрлі бөліктеріндегі орналасуы.
Көру қабілеті бұзылған балаларды құрбыларының, ересектердің, маршрутты сипаттау көмегімен алып жүру.
Кеңістік – физикалық орта
Баланы сыныпта оның көзі жақсы көретін жерге орналастыру.
Күн сәулесінің тікелей түсуін болдырмау үшін оқушыны сыныпта табиғи жарық аймағында отырғызу ұсынылады.
Бөлме ішіндегі шу мен сыртқы визуалды қоздырғыштарды азайту.
Қарым-қатынас
Баланы вербалды, вербалды емес бағалау арқылы ынталандыру (иығынан қамқорлықпен сипау, т.б.).
Сыныпты көру қабілеті бұзылған балаларды қамтуға және тартуға дайындау, олардың осы үдерістегі рөлін анықтау.
Оқу үдерісі
Әріптер мен сандарды тақтаға мейілінше ірі әрі анық жазу керек.
Назарын бұру үшін, ашық түстерді қолдану (қызыл, сары, сарғыш, т.б.).
Үлкенірек әріптермен жазылған бағалау парақтарын пайдалану, тапсырмалар әр оқушының жеке ерекшеліктеріне байланысты көмекші мысалдармен, тірек суреттермен немесе басқа көмекші құралдар арқылы анық тұжырымдалуы керек.
Мұғалім тақтаға/параққа/флипчартқа жазу немесе сурет салу кезінде дауыстап айтуы жасауы тиіс.
Арнайы материалдарды қолдану, қажет болса көмекші мұғалімді, мүмкін болса оқушыларды тарту.
Тапсырманы оған жетістікке жетуге көмектесетін адаммен бірге (жұпта) орындау.
Оқыту стратегиясын бейімдеу: жазбаша мәтіндегі әріптердің көлемін ұлғайту, графикалық презентациялар, үлкен кескіндерді, суреттерді пайдалану, жұмыс материалының маңызды элементтерін бөлек көрсету; АКТ қолдану және т.б.
Математика сабақтарында мұғалім оқушыға қарапайым дағдыларды меңгеруге қажетті есептерді шығаруға мүмкіндік беруіне болады, мүмкіндігінше компьютерлік сөздікті пайдаланғаны дұрыс.
Драмалық қойылымдарға, ойындарға қатыстыру.
Мұғалім оқушыға үйде қайталау үшін дыбыс жазу құрылғысына сабақтарды жазуға мүмкіндік беруіне болады.
Оқушыға тапсырманы аяқтау үшін қосымша уақыт беру.
Оқушыға оның интеллектуалдық қабілеттеріне сәйкес тапсырмалар беріп жаттықтыру.
Брайл шрифтін қолдану арқылы мәтіндер мен тапсырмаларды бейімдеу.
