Баланы бірінші партаға немесе мұғалімнің үстеліне жақын отырғызу керек, бірақ ол өзін ұжымнан шеттетілгендей сезінбеуі тиіс.
Эмоционалдық және мінез-құлық бұзылыстары бар оқушыларды зейінді және мінез-құлқында қиындықтары жоқ оқушыларға жақын отырғызу ұсынылады.
Қарым-қатынас
Оқушының мінез-құлқын бақылауды бастамас бұрын мұғалім өзінің көңіл-күйін, мінез-құлқын өзі игеріп, бақылауда ұстай алуы керек.
Өзінің айтатын сөздерін мұқият таңдау өте маңызды, өйткені кейбір пікірлер оқушымен жағымды қарым-қатынасты тудыруы немесе бұзуы мүмкін. Эмоционалдық және мінез-құлық бұзылыстары бар оқушымен жұмыс істейтін мұғалім онымен сенімді қарым-қатынас орнатуы керек.
Ауызша, бейвербальды мақұлдау (күлімсіреп, шапалақтау) ұсынылады; физикалық жанасу (иықты ұстау, қол алысу, құшақтау және т.б.); сүйікті іске қол жеткізуді қамтамасыз ету; бонустар, сыйлықтар беру және т.б.
Оқу процесі
Оқушыларды ынталандыру. Жағымды қолдау (мақұлдау, мадақтау және т.б.) баланың болашақта басқа жағдайларда сол мінез-құлқын қайталау ықтималдығын арттырады.
Мұндай оқушылардың күшті жақтарын анықтау оларды сыныпта жағымды қабылдауға ықпал етуі мүмкін.
Оқушыға көңіл бөлу, оның жақсы мінез-құлқы үшін мадақтау.
Оқушыларға көбірек уақытты қажет ететін тапсырманы орындау жолын жоспарлау және тапсырманың орындалуын бақылау.
Бірлескен оқуға негізделген оқыту мен оқу әдістерін қолдану.
Орындалуы қажет тапсырмаларды өзектендіру үшін көрнекі құралдарды пайдалану.
Тұрақты кері байланыс, оқушыға күнделікті сенім арту қажетті мінез-құлық пен оқушылардың өз бетінше жұмыс істеу дағдыларын меңгеруге ұмтылуын, мүмкіндігінше ынталандырады.
Баланың өзіне қасақана назар аударту үшін жасалған, жағымсыз мінез-құлқын елемеу; бұл әрекеттің қайталануын болдырмайды.
Балаларының дербестік дағдыларын меңгеруіне және уақытын дұрыс бөлуге көмектесу мақсатында ата-аналармен ынтымақтастық орнату.
