Он екі елі ішек (двенадцатиперстная кишка) — duodenum — аш ішектің қарыннан кейінгі қысқа шажырқайға ілінген алғашқы бөлігі. Үй жануарларында ол негізінен құрсақ қуысының оң қабырғаастылық аумағында орналасады. Бауыр мен ұйқы безінің негізгі өзектері он екі елі ішек қуысының алдыңғы бөліктеріне біріге ашылып, он екі елі ішектің улкен бүртігін— papilla duodeni major — жасайды. Ал ұйқы безінің қосымша өзегі ішек қуысының арткы бөліктеріне келіп ашылып, он екі елі ішектің кіші бүртігін— papilla duodeni minor — жасауға қатысады.
