Лекция 1
Тақырыбы: «Математиканы оқыту әдістемесі»- ғылым және оқу пәні»
Жоспар
1.Математиканы оқыту әдістемесі»- бастауыш мектептегі математика әдістемесінің негіздері жайлы ғылым. Педагогикалық ғылым саласы ретінде математиканы оқыту әдістемесінің нысаны, пәні, зерттеу әдістері мен оның философия және логикамен, педагогика және психологиямен, математикамен және т.б. байланысты.
2.Кіші жастағы оқушыларға математиканы оқтудың теориясы мен тәжірибесінің қазіргі жағдайы, даму болашағы. Алыс және жақын шетелдердегі математиканы оқытудың әдістемелік жүйесінің әр түрлі модельдері. Бастауыш сыныптарда математиканы оқыту әдістемесінің қалыптасу және даму тарихы.
3.«Математиканы оқыту әдістемесі» - болашақ бастауыш сынып мұғалімдерінде математиканы оқыту әдістемесінің ғылыми негіздері жайлы теориялық білім қалыптастыратын оқу пәні. Пәннің нысаны, пәні, мақсаты мен міндеттері, әдістері мен мазмұны. Пәнді оқыту үдерісін ұйымдастырудың ғылыми негіздері, педагогикалық және ғылыми-әдістемелік іс-әрекетке дайындаудың әр түрлі формалары.
4.Оқыту нәтижелеріне қойылатын талаптар, диагностикалау, бақылау және бағалау әдістері.
1.Бастауыш сыныптарда математиканы оқыту – күнделікті өмірде және тұрмыста кеңінен қолданылып, мектепте басқа да пәндерді табысты оқу және білімді жалғастыру үшін қажетті математикалық білім, білік, дағдылардың практикалық негізінен қалайды және осыларды игеру процесі – оқушыларды тәрбиелеу және жан-жақты дамыту ісімен тығыз да берік, және табиғи байланыста жүргізіледі. Сондықтан математика сабақтары балалардың ғылыми көзқарасының негіздерін қалыптастыруға, олардың танымдылық қабілетін дамытуға, ақыл-ой, есі және тағы басқа қырларын шыңдай түсуге, оқуға және қоғамдық пайдалы еңбекке баулуға, жалпы алғанда адамзат қоғамдағы жоғарғы ізгі игіліктерді игеру және қорғау қасиеттерін тәрбиелеуге себін тигізеді.
Пәнді оқытудың мақсаты студенттерде кіші жастағы мектеп оқушыларын оқыту барысында туындайтын оқу тәрбиелік міндеттерді кәсіби деңгейде шешу үшін қажет болатын құзырлылықпен қаруландыру болып табылады.
Достарыңызбен бөлісу: |
