Олардың арасында тек сулы ортада тіршілік ететіндері болады. Олардың көпшілігі құйрықтылар отрядына жатады. Құйрықты қосмекенділердің таралуы тек солтүстік жарты шармен шектеледі. Барлық құйрықты қосмекенділердің тұлғасы ұзарған, жетілген құйрығы жүзбеқанат дамиды. Аяқтары қысқа, алдыңғы және артқы аяқтары бірдей. Қозғалуы аяқтары мен құйрығының қатысуымен денесін июі арқылы жүзеге асады. Бұл тұқымдастың өкілдері Еуропа протейі тек Югославияның жерасты суларында тіршілік етеді. Дене ұзындығы – 25-30 см. Америка протейні Солтүстік Американың шығысында мекендейді. Дене ұзындығы – 16-43 см. Таза көлдерде, өсімдікке бай тіршілік етеді. Түнде белсенді. Сирендер – Солтүстік Америкада таралған. Батпақты тоғандар, көлдерде тіршілік етеді. Амфибиялар тұқымдасының өкілдері Солтүстік Американың көлдері мен батпақтарында тіршілік етеді. Денесі ұзарған 80-100 см. Пипалар – Африка, Оңтүстік Америкада тіршілік етеді. Құйрықсыздар отрядының кейбір түрлері де тек сулы ортада мекендейді. Оларға: жүндес бақа, Африка бақасы.
