Астық шикізатына қойылатын негізгі талаптар оны пайдалану бағыттарына байланысты. Спиртке қайта өңдеуге пайдаланылатын астық кез келген сапада болуы мүмкін, соның ішінде тағамдық кондициядағы емес. Уыт алуға арналған астық жоғары сапалы болуы керек және сәйкес стандарттар талаптарына жауап беруі қажет.
Спирт өндірісі үшін кез келген дәнді дақылдарды қолданады. Қайта өңделетін астықтың жалпы көлемінде басым болатындары: бидай (50%-ға дейін), арпа (20%-ға дейін), қарабидай (12%), жүгері (8%).
Дақылдарды қабықсыздар: бидай, қарабидай, жүгері – астықты бастырғанда олардың топан қабықшалары алынбайды және қабықтылар: қабықшалары сақталатын арпа, сұлы, тары деп ажыратады.
Осыған байланысты дәннің химиялық құрамы әртүрлі болады және қайта өңдеудің әртүрлі режимдерін қажет етеді.
