Меншік Құқығы(47)

Қажетті деректер болған жағдайда салыстырмалы талдау əдісі артықшылығы көп, жалпы қолданысқа ие əдіс болып табылады. Нарықтық ақпаратты жинақтадыңыз, салыстыратын өлшемді таңдадыңыз. Енді салыстырылатын учаскелердің бағалары салыстыру элементтері бойынша түзетіледі. Жер үшін негізгі салыстыру элементтері: ● меншік құқығы; ● қаржыландыру жағдайы; ● сату жағдайы; ● нарық жағдайы, сатылу уақыты; ● орналасу орны; ● физикалық сипаттамасы; ● мүмкін болатын коммуналдық қызметтер; ● неғұрлым жақсы жəне тиімді пайдалану. Жерді бағалағанда бірнеше салыстыру өлшемін қолдануға болады. Осы салыстыру өлшемдерінің əрқайсысының бағасын түзету арқылы, жер құнының ауқымын анықтайтын бірнеше құн шамасын алуға болады. Салыстырмалы сатуларды, негізгі сатылатын жылжымайтын мүлікпен салыстыра отырып талдау кезінде, мынадай салыстыру элементтері ескерілуі тиіс: берілетін құқықтар, қаржыландыру шарттары, сату шарттары, сатудан кейін тікелей жүргізілетін шығыстар, нарық шарты, орналасқан жері, табиғи сипаттамалары, экономикалық сипаттамалары, пайдалану, жылжымайтын мүлікке жатпайтын сату құрауыштары. Статистикалық модельдеу, яғни массалық бағалау əдісі салыстырмалы амал əдісіне ұқсас, бірақ түзету коэффициенттері статистикалық əдістермен есептеледі. Баға мен табыстың арақатынасы əдісі бойынша, жылжымайтын мүлік əкелетін табыс шамасы, баға белгілейтін фактор болып табылады жəне ұқсас объектілер бойынша баға мен табыстың өлшемдігі, 100 нақты жылжымайтын мүлік объектісін бағалау кезінде, орташаланған нəтижелерді пайдалануға негіз береді деген болжамға негізделеді.