Микробиологиялыќ зертхана
жүктеу/скачать 6,39 Mb. Pdf көрінісі
|
сабақ түсіндірген бойынша
| АЛҒЫ СӨЗ
Ветеринариялық микробиология және вирусология – инфекциялық ауруларды балау, емдеу, алдын алу шараларын ұйымдастырумен шұғылданатын, ветеринариялық-санитарлық сараптама қызметі мен микробиологиялық өндіріс саласы мамандарының ғылыми дүниетанымын қалыптастыратын іргелі биологиялық ғылымдардың бірі болып табылады. Ветеринариялық микробиология және вирусология пәнінің мақсаты – студенттерге микробтар әлемінің алуан түрлілігі, олардың ғаламшар тіршілігіндегі алатын рөлі, микроорганизмдер биотехнологиясы мен экологиясындағы маңызы, олардың табиғаттағы биогенді заттарды өзгеріске ұшыратуы туралы мәліметтермен таныстыру және аса қауіпті зооантропонозды аурулардың, микоздар мен микотоксикоз қоздырғыштарының патологиялық үрдістердің пайда болуындағы рөлін көрсету. Ветеринариялық микробиология және вирусология пәніне арналған оқу құралы студенттердің микробиологиялық, вирусологиялық және иммунологиялық (серологиялық) зерттеу жұмыстарын тәжірибе жүзінде орындауына, оқу материалдарын толық игеруіне мүмкіндік беретін құрал болып табылады. Оқу құралы «Жалпы микробиология», «Жалпы вирусология», «Иммунология», «Жеке микробиология» және «Жеке вирусология» бөлімдерінен тұрады. Ол бөлімдерде прокариотты және эукариотты микроорганизмдердің морфологиясын, физиологиясын, олардың өсінділік және ферментативтік қасиеттерін зерттеу әдістері, құрамында вирусы бар материалдармен жұмыс істеу ережесі мен қауіпсіздік техникасы, вирустарды анықтау және оларды өсіру тәсілдері, иммундық жүйе жасушаларын алу мен оларды анықтау және иммунологиялық (серологиялық) зерттеу әдістері және кейбір инфекциялық аурулар қоздырғыштарының қысқаша сипаттамалары мен оларды балау тәсілдері көрсетілген. 5 |