көрсетілгенін түсіндіріңіз. Оқушыларға оқулықтағы 1-мәтінді оқуға беріңіз.
Шартты белгілер.Бұл тапсырманы орындау үшін шартты белгілер салынған үлестірме парақшаларды қолдана отырып, ойын ұйымдастырсаңыз болады. Әр топқа «үй», «орман», «көпір», «өзен» және т.б. шартты белгілерін 5-6 данадан үлестіріңіз. Оқушылар онда бейнеленген нысанды және қандай түстердің қолданылғанын айтады. Мұғалімнің белгісі бойынша олар шартты белгілерді кабинетте ілініп тасталған суреттермен тез сәйкестендіруі тиіс. Қабілеті жоғары оқушыларға өз шартты белгілерін ойлап табуға ұсыныс беріңіз.
Карта. Оқушылар оқулықтан Қазақстан картасын қарап, ол жерден Астананы табады. Оларға сұлба мен картаны салыстыруға, олардың ұқсастықтары мен айырмашылықтарын анықтауға тапсырма беріңіз. Салыстыру үшін Венн диаграммасын
қолданыңыз. Оқушылар оқулықтағы 2-мәтінді оқиды.
Орындап көр.Бұл тапсырманы орындау үшін оқушыларға сұлбалы карта таратыңыз. Қабырғада ілінген картаға қарап, сұлбалы картаны бояуға тапсырма беріңіз. Оқушылар картадан өз қаласын (ауылын) тауып, атауын сұлбалы картаға түсірсін.
