Тасарық ауылдық округінің 2018-2020 жылдарға арналған кешенді даму жоспары тасарық ауылы, 2018 жыл Кіріспе

«Нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған бағдарламасының» бірінші бағыты аясында қысқа мерзімді кәсіптік оқығандар жоқ. Алдағы 2018 жылы қысқа мерзімді кәсіптік оқуға 2 адам тартылады деп жоспарлануда.

Бағдарламаның екінші бағыты негізінде «Бастау Бизнес» жобасы бойынша 2017 жылы 4 адам оқып, жобаларын қорғап сертификаттарын алды. Оның 2-еуі 1 млн. 500 мың теңге көлемінде Ауылшаруашылығын қаржылай қолдау қорынан несие алып, жеке кәсібін ашып, мал алып айналысуда. 2-уі аудандық кәсіпкерлік палатасы арқылы Ауылшаруашылығын қаржылай қолдау қорынан несие алуға құжаттарын рәсімдеп, кепіл мүлкінің жарамсыздығына байланысты несие алу жұмыстары тоқтап тұр. Алда кепіл мүлкін тауып несие алып, мал бордақылаумен айналысады деп жоспарлануда.

2018 жылға 1 адам «Бастау-Бизнес» жобасы бойынша оқуға тіркеліп, конкурстан өтіп, кезегін күтуде. 2018 жылы 3 адам «Бизнес Кеңесші» жобасы бойынша курстан өтіп, грантқа жобаларын ұсынды. (Копжанова Балхия, Дабылов Шынжырбай, Куанышбаева Гулзира).

Бағдарламаның үшінші бағыты бойынша жастар тәжірибесінен өткендер жоқ. 2 адам әлеуметтік жұмыс орындарына, 10 адам ақылы қоғамдық жұмыстарға тартылса, 2 адам тұрақты жұмысқа орналасты.

2018 жылы жастар тәжірибесінен өтуге 1 мамандық түрі бойынша 1 арнаулы оқу орнын бітірушінің құжаттары тапсырылды.

Бағдарламаның үшінші бағыты аясында жұмыссыз азаматтарды жұмыспен қамту, тұрмыс жағдайын жақсарту мақсатында «Өрлеу» жобасы бойынша 2 отбасы қаржылай әлеуметтік көмек алып, уақ малдар сатып алып, өсірумен айналысуда. «Өрлеу» жобасы бойынша жәрдемақы алған 2 отбасының 2 адамы тұрақты жұмыспен қамтылды.

«Бизнестің жол картасы-2020» бизнесті қолдау мен дамытудың бірыңғай бағдарламасы бойынша «Бизнес-Кеңесші» бағдарламасы арқылы Қызылорда облыстық кәсіпкерлер палатасының Қазалы аудандық филиалында 2017 жылы оқу курсынан өткендер жоқ.

«Сыбаға» бағдарламасы бойынша округ бойынша кәсіп жасап жатқандар жоқ. Алдағы 2018 жылы бағдарламаға 1 адам тарту жоспарлануда.

Әлеуметтік қолдау, жұмыспен қамту. Округ бойынша жыл көлемінде 18 жасқа дейінгі баласы бар 13 отбасының 53 баласына 481366 теңге балалар жәрдемақысы төленді. 38 адам жұмыс іздеуші ретінде тіркеліп, оның 14-і тұрақты, 15-і маусымдық жұмысқа, 9-ы ақылы қоғамдық жұмысқа тартылды.

2017 жылы желтоқсан айында Тәуелсіздікке тарту ретінде «Тәуелсіздік – Ұлы дала ұрпақтарына аманат» атты акциясы өтіп, мерекелік концерт берілді. Аталар арманы, бабалар намысымен жеткен Тәуелсіздік талай ерліктің, еңбектің жемісі. Отанды сүюге, ел байлығын қорғауға, болашақ Отанымыз Қазақстанды өркендетуге білімді жас ұрпақтың керек екендігін түсіндіру.

Округ көлеміндегі мекемелер, кәсіпкерлер, мекеме қызметкерлері демеушілікпен әртүрлі заттар, киімдер, оқу-құралдарын т.б. артылған заттарын өткізіп, тұрмысы төмен, мүмкіндігі шектеулі балалары бар отбасыларға тегін таратылды, қайырымдылық жұмысы әлі де жалғасып келеді.

Ауылшаруашылығы. Округ көлемінде мүйізді ірі қара 1072 бас, уақ мал 2824 бас, жылқы 511 басты құрады. Оның ішінде, 82 бас мүйізді ірі қара, 100 бас уақ мал, 9 бас жылқы «Мақсатбаев» шаруа қожалығының, 28 бас мүйізді ірі қара, 27 бас жылқы «Бекқожа» шаруа қожалығының, 111 бас мүйізді ірі қара «Жасұлан» шаруа қожалығының үлесінде.

Халық иелігіндегі барлық мал басы бірдейлендіріліп, компьютерлік базаға енгізілген.

Қызылорда облыстық табиғи ресурстар және табиғат пайдалануды реттеу басқармасынан ауылшаруашылығына қажетті насос ( су айдау құралы) 6 538 560 теңге қаржыға Тасарық ауылдық округі әкімі аппаратына берілді.

Құрылыс. 2017 жылы округ бойынша 3 жеке тұрғын үй жаңадан салынды. Лақалы ауылынан 2017 жылы типтік жобадағы 100 орындық мектеп ғимаратының құрылысы аяқталып, пайдалануға берілді.

Көркейту-көгалдандыру және абаттандыру жұмыстары бойынша ауылдық округте санитарлық тазарту жұмыстары жүйелі түрде жүргізіліп келеді. Тасарық, Лақалы ауылдары орталықтарынан 2 га жерге егілген 1122 түп көлеңкелі ағаш күтімге алынды.

Сондай-ақ, ауылдық округті көркейту мақсатында «Қазақстан Республикасының жергілікті мемлекеттік басқару және өзін-өзі басқару туралы» 2001 жылғы 23 қаңтардағы Заңына сәйкес жергілікті салық түсімдерінің есебінен округ бойынша 2016-2017 жылы 1138,2 мың теңге, 2017 жылы 1404,6 мың тенге түсім түсіп, барлығы 2542,8 мың теңге қаржы жиналды. Осы аталған қаржының 1134,8 мың тенге қаржыға Тасарық ауылынан екі қорым және Лақалы ауылынан бір қорым қоршау жұмыстары жүргізілді. Сонымен қатар Лақалы ауылынан Социолистік Еңбек Ері Алимаев Кәрібоз ағамыздың атындағы бақ қоршалды.

Халыққа почта байланыс бөлімшесі қызмет көрсетеді. Зейнетақы мен жәрдемақы төлемдері және газет-журналдар уақытылы таратылуда.

Округ көлемінде 2 ауылдық клуб бар.

1. 
   2 көшеге орташа автомобиль жолдарын салу (Тасарық №1,2 көшелері)
   
2. 
   Көше жарықтандыру;
   
3. 
   Аяқ сумен қамтамасыз ету;
   
4. 
   Абаттандыру;
   
5. 
   Әлеуметтік объектілерді жөндеу;
   
6. 
   Ауыл орталығына жастар алаңын салу.
   
7. 
   Шағын бизнесті қолдау және дамыту