Тәжірибе. Желге қарсы жүгіру.
Қорытынды. Желге қарсы жүгіру қиын.
Қимылды ойын: «Желбезекпен жүгіру». (дене шынықтыру) Желбезекті қолға алып жарысу, кім бірінші мәреге жетеді, сол бала жеңімпаз болады.
Еңбек: тәрбиешіге көмектесу.
Үлкендерге қызмет көрсету. Балаларды ауланы тазартуға қатыстыру, жапырақтарды жинау.
Өз бетімен ойындар ойнау: «Желбезекпен ойын». Қолайлы жағдайларды жасау, алаң ішінде іс-қимылдарды дамыту. Көтеріңкі көңіл күйде болу.
Күздің ерте немесе кеш келуін бақылауды жалғастыру. (қоршаған ортамен танысу, сөйлеуді дамыту, көркем әдебиет) Тақпақтар
Н. Әлімқұлов «Күз».
Берекесін сыйлауға
Өлкемізге күз келді.
Жемістерін жинауға
Шақырады біздерді.
Қ.Ыдырысов «Күз».
Күзім-ау, күзім-ау,
Мінезің бұзық-ау,
Жаңбырың сіркіреп,
Келгенің қызық-ау.
Бақылау: табиғаттағы өзгерістерді бақылауды үйрету: жапырақтардың түсінің өзгерістері, құстардың жылы жаққа ұшуы, жаңбырлы болуы, күзгі өзгерістерді ажырата білуі.
Қимылды ойын. «Астықты тасымалдау» (дене шынықтыру) Дабыл бойынша арбамен «астық» тасу, бір шетінен екінші шетіне тасу. Шыдамдылық пен шапшаңдыққа баулу.
Еңбек: гүлзарда жұмыс істеу.
Гүлдерді гүл ыдысына отырғызу. Жұмыстың ыңғайын білу. Гүлге сүйіспеншілікті арттыру.
Өз бетімен ойындар. «Құмда сурет салу» Балаларға құмда сурет салуды үйрету. Атқарған жұмыстарын атап өту, балаларды мақтау. Бірлікке, татулыққа тәрбиелеу.
Серуеннен оралу
Өз шкафын белгі бойынша тауып алуды, өз киімін өзі шешуді, өз қажеттері жайында айтуды үйрету.(мәдени-гигиеналық дағдылар, дербес әрекет)
Кешкі ас
Үстел үстіндегі асқа назар аудару; үстел басында отыру әдебі мен тамақтану мәдениетіне баулуға бағытталған жеке жұмыс; әдептілік ережелері. (мәдени-гигиеналық дағдылар, дербес әрекет)
