Тыныстану жүйесі аурулары

Себептері.

• Ауру организмнің, сыртқы ортаның қолайсыз жағдайына қарсы тұру қабілеті нашарлаған кезде жиі кездеседі. Әлсіз туған қозылар мен торайлар (гипотрофиктер) өкпелерінің толық жетілмеуі (гипопневматоз), онда ұсақ ателектаздардың болуы, бөлінетін жалқақтың жіңішке бронхыларды бітеп қалуы, әлсіз жөтелдің бронхыларды ондағы заттардан тазалай алмауы бұл аурумен ауруға әкеп соғады. Бұған жас төлдің анатомдық физиологиялық дене бітісінің құрылысы да көмектескендей болады. Қысқа кеңірдек, жіңішке бронх, олардың кілегейлі қабығындағы ұсақ қан тамырының көптігі, олардың сондай нәзік, тез жараққатанғандағы, альвеоллалардың қабырғасының созылмалдылығының әлсіздігі, ондағы сөл тамырларының көптігі бронхыдан басталатын қабынудың жылдам өкпе ұлпасына жетуіне бірден-бір себеп болады.

• Аналық малдың азығында ретинолдың жетіспеушілігінен төлдер қабылдайтын сүтте А витамині аз болады да, ол төлдердің организмінің ауруларға қарсы тұру қабілетін әлсіретеді. Сондай-ақ А витаминінің жетіспеушілігінен эпителиальдық қорғаныс бұзылады да, олардың зиянды микробтарды ұстап қалу қабілеті азаяды.
• Жас организмнің мүздап тоңазу немесе қалыптан тыс ыстықтауы, қан айналу, дененің ыстығын бақылау процестерінің бұзылуына әкеп соғады. Осының салдарынан өкпеде вена қанының бөгеліп, қысымының артқаны байқалады. Ол барып өкпе қабынуының себебі болады.
• Төлдер тұратын жердегі қораның желдеткіші нашар болса, онда шаң-тозаң, көмірқышқыл газы, аммиак, күкіртті сүтегі, метан, су буы жиналады да тыныстану жүйесіне өзінің зиянды әсерін тигізеді.