Эмбриология (грек тілінен embryon ұрық, logos - ілім ) – ұрықтардың дамуының заңдылықтары туралы ғылым.
Медициналық эмбриология адам ұрығының даму заңдылықтарын зерттейді. Қазіргі кезде адам эмбриологиясы бойынша алынған білім бедеуліктің себептерін анықтауға және оны жоюға, фетальды мүшелерді трансплатациялауға, ұрықтануға қарсы құралдарды дайындауға және қолдануға пайдаланады.
Эмбриогенез прогенезбен және ерте постэмбрионалдық кезеңмен тығыз байланысты. Тіндердің дамуы эмбрионалдық кезеңде басталып, бала туғаннан кейін де жалғасады.
Адам эмбриогенезі
Пайда болуынан бастап, өмірінің ақырына дейін әрбір организмде өтетін бірізділі морфологиялық, физиологиялық және биохимиялық өзгерістердің жинағы онтогенез немесе индивидуальді, яғни жеке даму деп аталады.
Дәрігерлік қызметтің негізгі нысаны – адам онтогенезінң қалыпты жағдайы және патологиялық ауытқулары. Жыныс жол арқылы көбейетін организмдерде онтогенездің 2 кезеңін ажыратады: эмбриондық және постэмбриондық.
Аналық жасушаның ұрықтануынан басталып, нәрестенің дүниеге келген шағына дейін өтетін жаңа организмнің даму процестерін эмбриондық даму немесе эмбриогенез деп атайды.
Аналық жасушаның ұрықтануынан басталып, нәрестенің дүниеге келген шағына дейін өтетін жаңа организмнің даму процестерін эмбриондық даму немесе эмбриогенез деп атайды.
Адамның құрсақішілік дамуы орташа есеппен 280 тәулік (10 акушерлік ай) жалғасады. Үш кезеңін ажыратады: бастапқы (1-ші апта), ұрықтық (2-8-ші апта), нәрестелік (дамудың 9-шы аптасынан бала туғанға дейін). Ұрықтық кезеңнің соңында тіндер мен мүшелердің негізгі эмбрионалдық бастамаларының қалыптасуы аяқталады.
