Ірімшікті пресстеу. Қатты ірімшіктің бетіне тығыз қабат құру үшін өзін -өзі престегеннен кейін сарысудың артығын жою жəне ірімшіктің формасын қатайту үшін ірімшіктің шетін пресстейді. Пресстеген кезде алғашқы кезде қысым аз болу керек, содан кейін жайлап өсіру қажет. Пресстеу кезінде мерзімі (күні , айы),дайындау номері, резиналы немесе пластмассалы əріптермен жəне сандармен көрсетілген бірінші ірімшіктің маркировкасы жүргізіледі.
Ірімшікті тұздау. Тұздау өнімнің құрылымына, консистенциясына жəне сапасына əсер етеді. Ірімшіктің құрамындағы тұз стандартпен регламентке келтірілген. Ауалы ортада пісіп жетілетін (сөредегі) ірімшіктердің құрамында тұз 1,5-тен 3,5%-ға дейін, кейбір көгерген ірімшіктерде 5%-ға дейін, тұзды 4-тен 8%-ға дейін болады.
Ірімшікті тұздау бөлек жүргізіледі: ваннада қойылтпақты тұздау, пішіндеу кезінде, қалыптасқан ірімшіктерді тұздау, құрғақ тұзбен, дымқыл тұзбен ысқылау арқылы, тұздыққа ірімшіктің шетін салу арқылы тұздайды. Ірімшікті тұздықта тұздау ұзақтығы түріне, формасына жəне өлшеміне байланысты. Ірімшіктің суы 2 - 8 тəулік бойы ағады, содан соң ірімшік басын сөрелерде 5 - 6 күн кептіреді де, жетілдіруге жер қоймасына жібереді.
Тұз бактериалды үрдістердің дамуын болдырмай ірімшікке сыртынан ортасына қарай жəйімен сіңеді.
Достарыңызбен бөлісу: |
