Жас маман – педагогикалық еңбек өтілі 1-3 жыл болатын, еңбек жолын жаңадан бастаған жас мұғалім.
Тәжірибелі маман – педагогикалық еңбек өтілі 3-5 жыл болатын, өзіндік тәжірибесі бар тәжірибелі мұғалім.
Озат тәжірибелі мұғалім – педагогикалық процесті ұйымдастыру мен басқаруда жоғары нәтижеге жеткен алдыңғы қатарлы мұғалім.
Шығармашыл мұғалім – өз пәнінің әдістемесін жетік меңгерген, алдыңғы қатарлы озат тәжірибелерді шебер әрі шығармашылықпен қолдана алатын шебер мұғалім.
Жаңашыл мұғалім – шебер ретінде өз іс-тәжірибесін жаңа әдістермен, жаңа технологиялармен байытып отыратын шығармашыл мұғалім.
Ізденуші мұғалім– өзінің авторлық технологиясын ұсынатын жаңашыл мұғалім
Зерттеуші мұғалім – өзінің ұсынған авторлық технологиясының басқа мектепте, басқа аудан (қала), облыс деңгейінде, республика көлемінде қандай деңгейде, қалай өтуіне байланысты тікелей зерттеу жүргізетін, нәтижесін сараптай алатын, зерттеу жұмысына диагностикалық мониторинг жүргізе алатын жаңашыл мұғалім.
Креативті мұғалім – өзінің авторлық технологиясын ғылыми тұрғыдан негіздей алған, іс-тәжірибесі республика көлемінде танылған, насихатталған ұдайы ізденістегі жаңашыл, шебер мұғалім.
Кәсіби педагогикалық іс-әрекеттің негізгі белгілері:
- арнайы кәсіби білім;
- нақты нәтижеге бағытталған мақсаттың болуы;
- оқыту, білім беру, тәрбиелеу мазмұнының нақтылығы;
- баланың педагогпен ынтымақтастық қарым-қатынасы;
- педагогикалық іс-әрекеттің нәтижесін бағалай алуы;
- баланы педагогикалық қолдауы.
Мұғалімнің конструктивтік іс-әрекеті – оқу-тәрбие материалын іріктеп алумен, композициялаумен, жобалаумен байланысты іс-әрекет; оқу және тәрбие міндеттерін шешудің ең үйлесімді жолдарын іздестіру, оқу және тәрбие жұмысының формалары мен әдістерінің мазмұнын анықтау.
Ұйымдастырушылық іс-әрекеті бір мезгілде мұғалім жобаларын практикада жүзеге асыру және әлдеқайда нақты жобалаудың шарты болып табылады. Мұғалімнің бұл іс-әрекетін ұйымдастыру (баяндау, тапсырмалар жүйесі); өз мінез-құлқын ұйымдастыру (іс-әрекеттің нақты жағдайларындағы педагогикалық әрекеттер); балалар іс-әрекетін ұйымдастыру (ұжымдық, топтық және жекеше); оқушылар ұжымына дұрыс басшылық жасап, оны ұйымдастыра білуі (белсенділермен, ата-анамен жұмыс жасай білуі).
Достарыңызбен бөлісу: |
