Д. Н. СӘрсекова, Е. М. ҚАспақбаев орманшылық Алматы, 2008
Күтiп-баптау кесу жұмыстары технологиясы
жүктеу/скачать 1,52 Mb.
|
Орманшылық кітап
- Бұл бет үшін навигация:
- Сурет 2.10
- Сурет 2.11
- Сурет 2.12
| 2.4.10 Күтiп-баптау кесу жұмыстары технологиясы. Күтіп-баптау кесулері кезiндегi жұмыстар технологиясы сүрекдiң құрылымымен, сүректi өңдеу орнымен және тасымалдау тәсiлiмен анықталады. Күтіп-баптау кесулерінің өндірістік процесін ұйымдастыру негізіне технологиялық дәліздер мен тасымалдау жолдары жүйесі жатады.
Күтiп-баптау кесулерiнiң үш түрi: жіңішке, орташа және кең омарта технологиялары пайдаланылады. Олардың қандай түрiн пайдалану машина ерекшелiктерiне байланысты болады. Жіңішке омарта технологиясы кесіп құлату-пакеттеу машиналарын (ВПМ-35, Дятел-1-2 және басқа түрлерiн) пайдаланғанда қолданылады. Технологиялық дәліздер арасы 20 м-ге дейiн, кесiп-өңдеу жұмысы омарталарда кезекпен жүргiзiледi (2.10-сурет). 20 м Сурет 2.10 - Ағашты кесіп құлату-пакеттеу машинасын (ВПМ) қолданып, күтіп-баптау кесуін орындау сұлбасы: 1 – орам (квартал) жолы; 2 – ағаш сүйрейтін трактор; 3 – кесіп құлату-пакеттеу машинасы; 4 – ағаш тиеу орны. Орташа омарта технологиясы кесулердi механикалық қол құралдарымен, тасымалдау саймандарымен жабдықталған дөңгелектi тракторлармен және таулы жерлерде аспалы қондырғылармен орындағанда қолданылады. Бұл технологияда омартаның енi 30-50 м, технологиялық дәліздің енi 2,5-3,0 м болады (2.11; 2.12-сурет). 40 м Сурет 2.11 - Күтіп баптау кесуін орындайтын орман бөлігінің орташа омарта технологиясы: а – таза және аралас алқа ағаштар; б – күрделі алқа ағаштар мен өскіні бар сүрекдің; 1 – кесу жүргізілмеген орман алқабы; 2 – тұрақты ағаш тасу жолы; 3 - кесу жүргізілген орман алқабы; 4 – ағаш тиеу орны; 5 – бұтақтарды шабу орны; 6 – бензинді арамен ағаш кесу; 7 – ағаш сүйреген трактор; 8 – кесу алдындағы ағаш сүйрейтін жол; 9 – трактордың ағаш текшелеріне баратын жолы; 10 – қара жол Сурет 2.12 – Тартқыш шығырлары бар ЭЛХА агрегатымен күтіп баптау кесулерін орындау сұлбасы: 1 – электрлі сайман; 2 – бұтақсыз ағаш діңдері; 3 – бұтақтар; 4 – технологиялық визир; 5 – технологиялық дәліз; 6 – ЛТ-400; 7 – ЭЛХА агрегаты.
1. Күтіп-баптау кесулеріне түсінік беріңіз. 2. Күтіп-баптау кесулерінің экономикалық және биологиялық алғышарттары қандай? 3. Күтіп-баптау кесу түрлерін атаңыз. 4. Күтіп-баптау кесулерінің ерекше түрлерін сипаттаңыз. 5. Күтіп-баптау кесулері арқылы техникалық піскен сүректі өсіру мерзімін қысқартуға бола ма? 6. Күтіп-баптау кесу әдістері қандай? 7. Күтіп-баптау кесулерінің ұйымдастыру-техникалық элементтерін атаңыз. 8. Күтіп-баптау кесулерін ұйымдастыруға бола ма? 9. Күтіп-баптау кесулері технологиясы мен механизациясын сипаттаңыз. 10. Күтіп-баптау кесулерін дамытудың келешегі қандай?
жүктеу/скачать 1,52 Mb. Достарыңызбен бөлісу:
|