Білім беру саласы: Денсаулық. Әлеумет Бөлімі: Денешынықтыру.
Тақырыбы: Көтеріңкі көңіл күй
Мақсаты: Музыкалық сүйемелдеуге сәйкес түрлі ырғақпен қимылдарды орындау білігін қалыптастыру.
Міндеттері: алға қарай қосалқы адым жасау және ырғақпен жеңіл секіруге үйретуді жалғастырамыз. Тақтайдың екі жағынан жүріп, ажырау, тұрақты тепе-теңдік сақтау қабілетін дамытуды жалғастырамыз. Өз қимылдарын өзге балалардың қимылымен үйлесімді етіп жасауға үйрету. Фитболды домалату және оны қолдың күшімен итеріп жаттығу. Үйлестіру қабілетін дамыту. Қозғалыс пен музыканың үйлесімділігін арттыру. Халықтық ойындардың көмегімен балалардың қозғалыс тәжірибесін байытуды; әлемге позитивті көзқараспен қарауға үйретуді жалғастырамыз. Күтілетін нәтиже: жасайды:ырғақты-музыкалық қимылдарды орындайды, еденге қойылған тақтай үстімен тапсырмаларды орындап жүреді, фитболдарды домалатады, ойындағы рөлдерді орындайды. түсінеді: шеберге жылдам тұру, секіру, алға қарай қосалқы адым жасау жолдарын, тақтай үстімен жүргенде жанындағы серіктесімен үйлесімді қимылдау қажеттігін. қолданады: еденде жатқан тақтай үстімен жүргенде тепе-теңдік сақтау қабілетін; фитболдарды саусақтардың екпінді қимылымен домалату, әртүрлі бағытта төрт аяқтап еңбектеу, кеңістікте бағдар табу қабілетін.
