Бүйрек қызметінің жеткіліксіздігі Бүйрек қызметінің жеткіліксіздігі деп бүйректің қанды зат алмасуылық өнімдерін тазалап, гемеостазды қамтамасыз ету қабілетінің жойылуын атайды.
Бүйрек қызметі жеткіліксіздігінің уланғанда, шок кезінде немесе зәр шығаратын жолдар бітелгенде дамитын – бүйрек қызметінің жедел жеткіліксіздігі және бүйрек барлық әрекеті, әсіресе зәрді шығару бұзылатын – бүйрек қызметінің созылмалы жеткіліксіздігі деп аталатын екі нысаны бар.
Бүйрек қызметінің жеткіліксіздігі дамыған жағдайда несеппен шығарылмаған уытты заттар қанда қордаланады. Сөйтіп,организм өзіндегі азот алмасулық уытты заттармен уланатын ахуал- яғни уремия дамиды. Уытты заттар ОЖЖ әрекетін құлдыратып,нәтижесінде уремиялық комаға ұшыратады. Яғни уремия- бүйрек қызметі жеткіліксіздігінің салдарлық зардабы болып табылады.
Бүйрек қызметі жеткіліксіздігі мен уремияны емдеу үшін «жасанды бүйрек» құрылғысы қолданылады. Бұл құрылғыдан өткен қан уытты заттардан тазарып, гемостаз қалпына келеді.
Цистит– қуықтың кілегейлі қабықшасының қабынуы; әдетте зәрді шығарғанда ауырсыну сезіліп, поллакиурия, пиурия, бактериурия байқалады.
Уретрит – үрпілік жолдың кілегейлі қабықшасының қабынуы.
