Пиелонефрит жедел және созылмалы болады. Жедел пиелонефрит – іріңді қабыну тән ауру. Инфекция бүйрекке гематогендік немесе уретра мен қуықтан өрлемелі жолмен түседі.
Бүйректің астаушалары мен түбегі фибринді қабынып,толыққанды аралық тініне жасушалар шоғырланады, микроабцестер мен қан құйылған ошақтар пайда болуы мүмкін. Қуыстарына ірің жиналады. Ауру ұзаққа созылса, өзекшелері атрофия мен дистрофияға ұшырап,сыдырлаған эпителий олардың саңылауын бітейді. Бүйрек ұлғайып, тілімі шұбар реңді болады. Қабынулық үдеріс аяқталса, науқас айығады, ал асқынған жағдайда, қаза болуы да мүмкін.
Пиелонефриттің асқынулық зардаптары: абцестер бірігіп, бүйректе карбункул қалыптасады; пионефроз дамып, іріңді қалтаға айналады, үдеріс айналасындағы клетчаткаға жайылып, паранефроз дамиды.
Зәрді зерттегенде бактериурия,лейкоциттер,шамалы протеинурия анықталып,бірен-саран эритроциттер байқалады.
