Жедел гломеруланефрит стрептококтың А тобы,кейде басқа микроорганизмдер қоздырады.Ауру, әдетте 10-12 айға созылады. Алдымен бактериялар,иммундық кешендер мен антигендер шумақ капиллярларының базал мембранасын зақымдайды.Нәтижесінде,шумақтың капиллярларына қан толып,фагоциттік әрекет атқаратын ПЯЛ шоғырланып,тамырлардың өткізгіштігі артады. Фибриноген шығып, фибринге айналып, шумақ капиллярларын бітеп, микрокан айналымын бұзады.
Тромбоциттік өсу факторы босап, шумақ жасушаларын көбейтеді.Нәтижесінде, фильтрация нашарлап,өткізгіштік артып,плазмалық нәруыздар, лейкоциттер мен эритроциттер тамырлардың сыртына шығады.Сөйтіп, олигурия, лейкоцитурия, протеинурия, азотемия, су сіңіп ісіну орын алып, жүрек қызметінің жеткіліксіздігі дамуы мұмкін.
Макробейнесі: бүйрек ұлғайып,жұмсарады,қыртыстық қабаты толыққанды, оның тілімінің беті қызыл дақты болады. Ондай бүйрек «ұлғайған шұбар бүйрек» деп аталады. Науқастар көбіне айығады.
Достарыңызбен бөлісу: |
