Жеке құрам бойынша ұйым басшысының бұйрығынан (өкімінен) үзінді көшірмесі келесі деректемелерді қамтиды

1) Қазақстан Республикасының Мемлекеттік Елтаңбасы немесе эмблема, логотип, тауар белгісі (қызмет көрсету белгісі);

2) ұйымның ресми атауы;

3) құжат түрінің атауы – БҰЙРЫҚТЫҢ (ӨКІМНІҢ) ҮЗІНДІ КӨШІРМЕСІ;

4) бұйрықтың (өкімнің) күні мен тіркеу нөмірі;

5) бұйрық (өкім) шығарылған жер;

6) бұйрық (өкім) мәтіннің тақырыбы;

7) бұйрық (өкімнің) мәтінінің айқындаушы бөлігі, болған жағдайда;

8) бұйрық (өкімнің) мәтінінің өкімші бөлігі – қажет болатын тармақ;

9) қолы (бұйрыққа қол қойған ұйым басшысының лауазым атауы, жеке қалдың орына – «Қолы» деген сөзі және қолтаңбаның толық жазылуы);

10) бұйрық (өкім) көшірмесін куәландырғаны туралы белгі.

Құжаттама жасаудың Үлгілік қағидаларының 38-тармағына сәйкес, «Көшірмесі дұрыс» деген куәландыру жазбасы көшірмеге заңдық күш беру үшін қойылады және көшірмені куәландырған тұлға лауазымының атауын, оның жеке қолын және толық жазылуын, ұйым мөрінің бедерін, куәландырылған күнін қамтиды.

Өмірбаянды жұмыскер өз қолымен еркін түрде, түзетулерсіз, бір данада, өмірінің оқиғаларын хронологиялық реттілікпен мазмұндайды.