«Жеті жарғы» – Тәуке ханның далалық конституциясы. Көтеріліс жасап, бүлік шығарған кісілерге өлім жазасы бұйырылған. Түрік халқының мүддесін сатып, елге опасыздық еткендер өлім жазасына бұйырылған. Мемлекет ішінде жазықсыз кісі өлтіргендер өлім жазасына бұйырылған. Өзге біреудің әйелімен зинақорлық жасап, ақ некені бұзушыларға өлім жазасы бұйырылған. Өреде тұрған, тұсаулы жүрген сәйгүлік атты ұрлаған кісіге өлім жазасы бұйырылған.
Төбелесте мертігудің түріне қарай төмендегіше мүліктей құн төленген: біреудің көзін шығарған кісі айыпқа қызын берген, ал қызы жоқ болса, қыздың қалың малын берген. Төрт мүшенің бірін мертіктірген кісі айыпқа ат берген. Ұрланған жылқы, өзге де құнды мүлік үшін он есе артық айып төлеттірілген.
Достарыңызбен бөлісу: |
