Мектепке дейінгі мекемелерде білім салалары бойынша оқу іс-әрекетін ұйымдастыру әдістемелік құрал
жүктеу/скачать 0,5 Mb.
|
Балабақша тәрбиешілеріне әдістемедлік нұсқаулық
- Бұл бет үшін навигация:
- Сауат ашу және жазу негіздері Мақсаты
- Мазмұны: Алғашқы оқу дағдыларын қалыптастыру . Жазуға дайындық. «ТАНЫМ» БІЛІМ БЕРУ САЛАСЫ Мақсаты
- Қарапайым математикалық ұғымдарды қалыптастыру Мақсаты
| Көркем әдебиет
Мақсаты: мектепке дейінгі ересек жастағы балалардың әдебиетке өнердің бір саласы ретінде қызығушылығын қалыптастырып, сауатты оқырман тәрбиелеу. Міндеттері: - балаларды көркем әдебиеттің халық ауыз әдебиеті жанрымен және шығармаларымен таныстыру; - баланың шығарма мазмұнын меңгеріп, оларды дұрыс түсінуін қамтамасыз ету; - көркем сөздерді дамытудың негізгі тәсілдерін үйрету; - қазақ өнерінің бастауына баулу. Мазмұны: Балаға жеткілікті деңгейде мәтінді талдау, шығарманың ерекшелігі туралы түсінік беру арқылы әдебиет теориясының кейбір қарапайым ұғымдарын жеткізе отырып, әдебиетке қызығушылығын ояту. Сауат ашу және жазу негіздері Мақсаты: мектепке дейінгі ересек жастағы балаларға сауат ашу негіздері мен алғашқы оқу дағдыларын меңгерту, жазуға дайындау. Міндеттері: - тілдің негізгі бірліктері туралы түсінік беру (дыбыс, буын, сөз, сөйлем); - қоршаған ортадағы дыбыстардың түрлілігін айтылған сөз арқылы таныстыру; - қатаң, ұяң дауыссыз дыбыстарды есту арқылы ажырата білуге жаттықтыру; - баспа әріптерімен таныстыру. Мазмұны: Алғашқы оқу дағдыларын қалыптастыру. Жазуға дайындық. «ТАНЫМ» БІЛІМ БЕРУ САЛАСЫ Мақсаты: жас ерекшелігіне сай танымдық іс-әрекет дағдыларын меңгерген, әлемнің тұтас бейнесін түсінуге, ақпаратты күнделікті өмірлік мәселелерді шешуде қолдануға қабілетті тұлғаны қалыптастыру. Мектепке дейінгі ересек жаста «Таным» білім беру саласының базалық мазмұны төмендегідей ұйымдастырылған оқу іс-әрекетінің түрлері арқылы жүзеге асады: - қарапайым математикалық ұғымдарды қалыптастыру; - қоршаған ортамен таныстыру; - экология негіздері; - құрастыру. Қарапайым математикалық ұғымдарды қалыптастыру Мақсаты: мектепке дейінгі ересек жастағы балалардың көңілін заттардың саны мен қоршаған орта құбылыстарына аударту негізінде математикалық ойлауын қалыптастыру. Міндеттері: - зейін, ес, түйсік, шығармашылық қабілеттерін, қиялын, ойлау вариативтілігі сияқты танымдық үдерістерін дамыту; - танымдық қызығушылықтарын дамыту барысында белсенді оқу іс-әрекеттерін қалыптастыру; - ақыл-ой әрекетінің (талдау, жинақтау, салыстыру, қорыту, топтастыру, үлгі жасау, құрастыру, байланыстың себеп-салдарын орнату) тәсілдерін үйрету; - мектеп жасына дейінгі баланың сөздік қорына математикалық атауларды енгізу, сабақта алған білімдері мен іскерліктерін күнделікті өмірде қолдану; - заттардың әр түрлі топтарын санау, оның саны мен сапасын анықтау дағдысын үйрету, олардың бір-бірімен арақатынасын анықтау; - кеңістікті, уақытты қағаз бетінде бағдарлау дағдыларын дамыту; - геометриялық пішіндер мен денелер, өлшемдер туралы түсініктерін қалыптастыру. Мазмұны: Көп. Санның белгілі бір заттың өлшемін көрсететін көрсеткіш екендігі жайлы түсінігін қалыптастыру. Сан және санау. 10 саны көлеміндегі сан мен цифр туралы ұғымдарын қалыптастыру. Оларды танып және атау іскерліктеріне үйрету. Көлем. Заттардың (5 және одан артық) ұзындығын, биіктігін, ені мен жуандығын белгілеу іскерлігіне үйрету. Заттарды көлеміне қарай өсу және кему ретімен орналастыру. Геометриялық пішіндер. Геометриялық денелер - куб, шар туралы білімдерін кеңейту. Пирамида мен көпбұрыштарпен таныстыру. Кеңістікті бағдарлау. Кеңістікті бағдарлау (оң жақта, сол жақта, жоғарыда, төменде, алдында, артында, алыс, жақын, арасында, қасында) туралы білімдерін бекіту. Уақытты бағдарлау. Уақытты бағдарлау (күн, таңертең, сәске түс, бесін, ақшам, ымырт, бүгін, кеше, ертең, бүрсігүні) туралы білімдерін бекіту. Заттың салмағын анықтау. Зат өлшемін анықтай білу сезімдерін дамыту жүктеу/скачать 0,5 Mb. Достарыңызбен бөлісу:
|