Күтілетін нәтиже:
біледі: жыл мезгілдерінің ерекшелігін;
игереді: «з» және «с» дыбыстарын дұрыс айтуды;
меңгереді: суды үнемдеу керектігін, ізгі сөздерді айта білуді.
Орта тобына арналған
ұйымдастырылған оқу-іс әрекетінің
технлогиялық картасы
Білім беру саласы: Қатынас
Ұйымдастырылған оқу іс-әрекетінің түрі: Тіл дамыту
Тақырыбы: Көжекпен ойналық
Мақсаты: а) Сөйлемді толық құрауға, етістік сөздерді қолдана білуге үйрету, дыбысты анық айтуға дағдыландыру. ә) Ойлау қабілеттерін дамыту. б) Жануарларға деген сүйіспеншілігін оятуға тәрбиелеу.
Сөздік жұмыс: қоян.
Қолданылатын көрнекі құралдар: сұр түсті қоян жұмсақ ойыншық, тіл дамыту дәптері.
Оқу іс-әрекетінің кезеңдері
|
Тәрбиешінің іс-әрекеті
|
Балалардың іс-әрекеті
|
Мотивациялық – қозғаушылық
|
Ғажайып сәт: ойыншық сұр қоянды қонақ ретінде таныстыру.
|
Қызығушылық танытады.
|
Ұйымдастырушылық – ізденістік
|
Сұрақ-жауап:
- Балалар бұл не?
- Кәне, қайталаймыз.
(Қ дыбысын буын ішінде келтіріп қайталату арқылы жаттығуды орындату. Қо-қо-ко - қоян.
Құ-кұ-құ - құлақ.
Қа-қа-ка - қалам.
Қы-кы-қы - қылыш.
Қу-қу-ку - қулық.
(«Қ» дыбысының дауыссыз дыбыс екендігін, ауыз қуысынан еркін шықпай, қысылып шығатындығын балаларды айтқызу арқылы ажырату.)
Қоянға сипаттама беру:
- Қоянның түсі қандай?
- Оның жүні қандай?
- Қоянның құлағы қандай? Ұзын ба, әлде қысқа ма?
- Неше құлағы бар?
Сергіту жаттығуы: «Сұр қоян».
«Ұзын құлақ, сұр қоян
Естіп қалып сыбдырды,
Ойлы-қырлы жерлермен,
Ытқып - ытқып жүгірді.
Қарап еді артына,
Қиығын сап көзінің,
Келе жатқан томпаңдап,
Көжегі екен өзінің. (Т. Бердияров)»
(Сергіту жаттығуын қимыл-қозғалыс арқылы орындайды).
- Балалар, көжек деген не? (К дыбысын буын ішінде келтіріп қайталату арқылы жаттығуды орындату.
Кө-кө-кө-көжек.
Кө-кө-кө-көже.
Кө-кө-кө-көкек.
Кө-кө-кө-көрпе.
(«К» дыбысының дауыссыз
дыбыс екендігін, ауыздан кедергілерге ұшырап, қысылып шығатындығын түсіндіру).
- Балалар көжек қандай болады?
Дидактикалық ойын:
«Көжекпен ойналық»
Мақсаты: балалардың ойлау қабілетін дамыту және жылдамдылыққа үйрету.
Ойын шарты: Тіл дамыту дәптерімен орындалады, Көжектің сәбізге дейінгі жолын сызып көрсет.
- Қоян жүзеді ме? Әлде ұшады ма?
- Ол қандай жабайы андардан қорқады?
- Жабайы аңдарға нелер жатады?
Мақалдың мағынасын түсіндіру.
Мал жуасы - қой,
Аң жуасы - қоян.
- Балалар, қой - үй жануары, ал қоян - жабайы аң немесе жабайы жануар деп те айтуға болады.
Мақал-мәтелді «Үш дауыс» әдісімен жаттату. Әдістің қолданылуы:
• бірінші жоғары дауыспен;
• екінші ортаңғы дауыспен;
• үшінші төмен дауыспен қайталанылады.
|
- Бұл - қоян.
Тәрбиешінің сөзін қайталау арқылы, «Қ» дыбысын анық айтуға тырысу.
- Қоянның түсі сұр.
- Оның жүні жұмсақ, мамық, үлпілдек.
- Қоянның құлағы ұзын.
Оның екі құлағы бар және оның екі көзі, тұмсығы, аузы, мұрттары, төрт аяғы, кішкентай құйрығы бар.
Балалар орындарынан тұрып, жаттығуды орындайды.
Көжек – қоянның баласы.
Жаттығуды қайталау арқылы, «К» дыбысын анық айтуға тырысады.
Көжек кішкентай, жүндері жұп-жұмсақ және сүп-сүйкімді болады.
Дәптердегі тапсырманы орындайды.
- Жоқ, қоян секіріп жүгіреді.
- Қоян әсіресе түлкіден қатты қорқады.
- Жабайы аңдарға түлкі, қасқыр, аю т.б жатады.
Мақал-мәтелді тәрбиешінің көмегімен жаттап алуға тырысады.
|
Рефлексиялық - түзетушілік
|
Дыбыстарды анық айтуға ұсыныс білдіру,
Қорытындылап мадақтау.
|
Дыбысты анық айтуға тырысады.
|
Күтілетін нәтиже:
біледі: жануарлар жайында мақал-мәтелдерді білу;
игереді: дыбыстарды дұрыс айтуды;
меңгереді: қоянның дене мүшелерін біледі.
Орта тобына арналған
ұйымдастырылған оқу-іс әрекетінің
технлогиялық картасы
Білім беру саласы: Қатынас
Ұйымдастырылған оқу іс-әрекетінің түрі: Тіл дамыту
Тақырыбы: Қуыршақ Әйгерімнің туған күні
Мақсаты: а) Балалар ойыншық туралы әңгіме құруға, өз ойларын, толық сөйлемдер арқылы жеткізе білуге үйрету.
ә) Әңгіме құрастыруды үйрету арқылы шығармашылықпен жұмыс істеуге баулу
б) Ойыншықты ұқыпты ұстауға тәрбиелеу. Эстетикалық талғамын арттыру.
Сөздік жұмысы: қуыршақ, ойыншықтар.
Қолданылатын көрнекі құралдар: тіл дамыту дәптері, қуыршақ ойыншық, жұмсақ ойыншық - аю, резиналы ойыншықтар, пластмассалы машина.
Оқу іс-әрекетінің кезеңдері
|
Тәрбиешінің іс-әрекеті
|
Балалардың іс-әрекеті
|
Мотивациялық – қозғаушылық
|
Ғажайып сәт: Тобымызға қуыршақ Әйгерімнің келуін хабарлайды.
|
Қуыршақтың келгеніне қуанады.
|
Ұйым Ұйымдастырушылық – ізденістік
йымдасты
|
- Балалар, бұл не?
Кәне, «Қуыршақ» сөзін қайталаймыз.
- Балалар бұл қуыршақтың есімі - Әйгерім.
Қазыр мен сендерге «Қуыршақ» тақпағын оқып беремін содан кейін бәріміз хормен айтып жаттап аламыз.
Біздерде бар қуыршақ,
Бұзау, қозы, құлыншақ,
Ойыншықтар тыңдайды,
Ақыл айтсақ, бұйырсақ.
(Н.Әлімқұлов)
Тақпақ жаттатудың әдіс-тәсілі: «Суретті жаттау.» Түсіндірілуі: суреттерді тақтаға салып, әр қатарға салып, тақпақты жаттап алу.
Мысалы, Біздерде бар қуыршақ (қуыршақ суретін салу.) Бұзау, қозы, құлыншақ (бұзау, қозы, құлыншақ суреттерін салу.)
Ойыншықтар тыңдайды.
Ақыл айтсақ, бұйырсақ. (қол қимылымен көрсету).
Сұрақтарға жауап алу.
- Балалар «Қуыршақ» неге жатады? Ыдыс-аяққа ма? Жануарларға ма? Немесе құстарға жата ма? Әлде ойыншықтарға ма?
- Сендердің үйлерінде қандай ойыншықтар бар?
Дидактикалық ойын:
«Ойыншықты тап» Ойын мақсаты: ойыншықты атау және кеңістікті бағдарлай отырып табу.
Шарты: тығылған ойыншықты тауып, атын атап, түсін, үлкен, кішілігін ажыратып, сол ойыншыққа өздерің мейірімді тілек тілейсіңдер. Мысалы, балалар алдымен көздерін жұмады, қойылған ойыншықтар ішінен педагог біреуін жасырып қояды. Қандай ойыншық жоқ?
- Ойыншық жасалынуына қарай? Жұмсақ па? Қатты ма? Әлде созылмалы ма?
Ал сол ойыншыққа қандай мейірімді сөз айтасың?
- Балалар, бүгін қуыршақ Әйгерімнің туған күні екен.
- Әйгерімге сендер не сыйлағыларың келеді?
- Әйгерімнің туған күнін қалай жақсы, көңілді өткізуге болады.
- Кәне, шағын әңгіме құрайық.
Әңгіме құрау: «Қуыршақ Әйгерімнің туған күні» (тіл дамыту дәптері)
Мақсаты: ауызша өз ойларын жеткізе білу. Шарты: Тіл дамыту дәптеріндегі тапсырманы орындау арқылы, әңгіме құрау. Мысалы:
Әйгерім қуыршақтың туған күніне аю келді. Аю Әйгерімге өзінін сүйікті тағамы - бал сыйлады. Оны көрген Әйгерім қатты қуанды.
Сергіту жаттығуы.
Ал балалар тұрайық,
Алақанды ұрайық.
Оңға қарай иіліп,
Солға арай иіліп.
Бір отырып, бір тұрып,
Біз тынығып алайық.
(Сергіту жаттығуын қимыл-қозғалыс арқылы орындайды).
|
- Бұл - қуыршақ.
- Қуыршақ
Тәрбиеші айтқанын қайталап, жаттап алу.
- Қуыршақ ойыншыққа жатады.
Әр бала өз ойыншықтарын атап өтеді.
- Аю ойыншығы жоқ, оның қалған ойыншықтардан қарағанда, пішіні үлкен, түсі қоңыр.
Аю - жұмсақ ойыншық.
Мен оны ұқыпты, таза ұстап ойнаймын.
Өз ойларын білдіреді.
Ауызша әңгіме құрап айтуға тырысады.
Орындарынан тұрып жаттығуды орындайды
|
Рефлексиялқ - түзетушлік
|
Әңгіме құрағанда толық сөйлем құруға тырысады.
Ойыншықтарды ұқыпты ойнау керектігін айту.
|
Тәрбиеші сөзіне зейін қойып, орындауға тырысады. Балалар ұсынысты қабылдайды.
|
Күтілетін нәтиже:
біледі: ойыншықтардың неден жасалғанын білу;
игереді: толық сөйлем құрауды;
меңгереді: өз ойларын сөйлемдер арқылы жеткізуді біледі.
Орта тобына арналған
ұйымдастырылған оқу-іс әрекетінің
технлогиялық картасы
Білім беру саласы: Қатынас
Ұйымдастырылған оқу іс-әрекетінің түрі: Тіл дамыту
Тақырыбы: Әңгімеле...
Мақсаты: а) Балаларды тәрбиешінің үлгісі бойынша ойыншықтар жайлы шағын әңгімелерді бейнелеп айта білуге үйрету.
ә) Хабарлы сөйлемді қолдану арқылы өз ойларын дұрыс жинақтап,
қысқаша әңгіме құрай білуге үйретуді жалғастыру арқылы ауызекі сөйлеу тілдерін дамыту.
б) Ойыншықтармен дұрыс ойнай білуге, ұқыптылыққа тәрбиелеу.
Сөздік жұмыс: доп.
Қолданылатын көрнекі құралдар: тіл дамыту дәптері, қуыршақ және машина.
Оқу іс-әрекетінің кезеңдері
|
Тәрбиешінің іс-әрекеті
|
Балалардың іс-әрекеті
|
Мотивациялық – қозғаушылық
|
«Бөлмеге саяхат» ойынымен бастап, топ бөлмесіндегі заттарға олардың ішінде ойыншықтарға назар аударту.
|
Бәрін аралап, мұқият қарап шығады.
|
Ұйымдастырушылық – ізденістік
Ұйым
|
Балалар өз орындарына келіп отырады.
Ойын: «Ойыншық қандай фигураға ұқсайды?» ойынымен жалғастырылып, қарапайым математикалық түсініктерімен байланыстырыла келе, ойыншықтардың көлемі, түр-түсі, пішінін анықтап талдау жұмыстары жүргізіледі.
(Мәселен, Мен допты көрдім. Оның пішіні геометриялық фигура - дөңгелекке ұқсайды. Доп тек біреу ғана болған жоқ, олар көп болды. Түстері әртүрлі. Допты жерге соқсаң, ыршиды). «Д» дыбысын буын ішінде айыруға берілетін жаттығуы.
Да-да-да - дала.
До-до-до - доп.
Ду-ду-ду - думан.
Дә-дә-дә - дәптер.
Ди-ди-ди - диван.
«Д-т» дыбыстарын сөз ішінде келтіріп айтқызу.
дүбір-түбір, доп-топ, дұрыс-тұрыс, дара-тара,
дос-тос.
«Д» дыбысының да, «т» дыбысының да балаларға дауыссыз дыбысқа жататындығын және оның кедергіге ұшырап, қысылып шығатындығын түсіндіру.
Дәптермен жұмыс. Тіл дамыту дәптеріндегі тапсырманы орындау.
Сергіту жаттығуы.
«Домала, доп, домала,
Балшыққа тек жолама.
Жек көремін оныңды,
Бүлдіресің қолымды.
Секіріп өт ордан да,
Секіріп өт жолдан да,
Қуса күшік жетпесін,
Машина басып кетпесін.»
(Ө. Ақыпбеков)
Сергіту сәтін өлең шумағының ырғағымен қимыл-қозғалыс арқылы орындау.
«Менің сүйікті ойыншықтарым» тақырыбында әңгіме құрастыру.
Шарты: қуыршақ және машина ойыншықтарын алу және олардың бір-бірінен айырмашылықтарын айта келе,
әңгімелеу.
(Мысалы, Әкем менің туылған күнімде қуыршақ сатып әперді. Ал ініме машина сатып әперді. Әкем маған қуыршақты көрсеткен уақытта мен «Алақай!» - деп қатты қуандым. Менің қуыршағымның көйлегі қызыл түсті, басында әдемі қалпағы, сүйкімді сөмкесі бар. т.б.)
|
Өз көрген ойыншықтарын белгілі бір геометриялық фигураға ұқсатып, оның түр-түсіне, үлкенді - кішіліпне тоқталып өтеді.
Жаттығуды орындау.
Дәптердегі тапсырманы орындау.
Сергіту жаттығуын қимылмен орындайды.
Сәл ойланып, әңгіме құрауға тырысады.
|
Рефлексиялқ - түзетушілік
|
Ойыншықтармен ойнау ережелерін еске түсіріп, үнемі қолдануды ұсыну.
|
Ұсынысты қабылдайды.
|
Күтілетін нәтиже:
біледі: үлгі бойынша шағын әңгімелерді бейнелеп айтуды;
игереді: «Д» және «т» дыбыстарын анық айтуды;
меңгереді: өз ойын жеткізіп, әңгіме құрауды біледі.
Орта тобына арналған
ұйымдастырылған оқу-іс әрекетінің
технлогиялық картасы
Білім беру саласы: Қатынас
Ұйымдастырылған оқу іс-әрекетінің түрі: Тіл дамыту
Тақырыбы: Кішкентай бағбан (М.Төрежановтың әңгімесін әңгімелеу)
Мақсаты: а) Мәтіннің мән-мағынасын бұзбай әңгімелеуді үйрету, балаларды сын есім мен зат есімнен туған сөздердің дыбысталуына қарай көңілдерін аудару.
ә) Тілдік қорын байыту, дамыту. б) Еңбексүйгіштікке тәрбиелеу.
Сөздік жұмыс: бағбан.
Қолданылатын көрнекі құралдар: тіл дамыту дәптері.
Оқу іс-әрекетінің кезеңдері
|
Тәрбиешінің іс-әрекеті
|
Балалардың іс-әрекеті
|
Мотивациялық – қозғаушылық
|
Шеңбер құру: «Жылы лебіз!»
Шарты: балалар шеңбер болып тұрады. Оң жаққа бұрылу арқылы бір-біріне әдемі сөздермен теңеу айтады. Мысалы, Әсел, сен әдемі қызсың. Марат, сен ақылды баласың.
|
Шеңбер болып тұрады. Бір-біріне әдемі сөздер айтуға тырысады.
|
Ұйымдастырушылық – ізденістік
|
Әңгіме оқу: Кішкентай бағбан.
(Балаларды шеңбер бойымен кілемге отырғызып алу).
Садықтың әкесі - Бағбан. Садық оған ылғи көмектесіп жүреді. Қар кетіп, жер дегдісімен әкесі мен баласы бақта құмырсқаша қыбырлап, еңбек етті.
Бір күні Қалел жүгіріп келіп:
- Кеттік, Садық, ойынға, - деді.
- Менің жұмысым көп, - деп жауап берді Садық оған.
- Жұмыс деген немене тәиірі! Әкең бәрін де істейді ғой. Ойнаған қызық емес пе?!
Қалел ойыншықтарының бірінен кейін бірін алып, көрсете бастады. Садық ойнағысы келіп кетсе де, өзін-өзі басып, жұмысын жалғастыра берді. Күз де келді. Бакта жеміс пен жидектің сан алуан түрі өсіп-жетілді.
Садықтың өзі де қарық болды, досын да барынша сыйлады. Қалел тойып алып:
- Бәрін де түк қалдырмай жеп қоямыз, - деді
- Қалады, - деп жауап берді Садық.
- Әкем «Кім ойынға елікпей еңбек етсе, жер соны қарық қылады» деген.
- Бағбан деген кім?
- Жаңа сөзді, «Телефон» ойыны арқылы қайталату. Шарты: «Бағбан» сөзін шеңбер бойымен бір-бірінің құлағына сыбырлау арқылы, ең соңғы баладан қандай сөз естігендігін сұрау.
«Ғ» дыбысына жаттығу орындау.
Бағ-бағ-бағ-бағбан
Бұғ-бұғ-бұғ-бұғы
Қағ-қағ-қағ-қағаз
Сұрақтар:
- Әңгіме қалай аталады?
- Неге ол «Үлкен бағбан» деп аталмаған?
- Садық қандай бала?
- Ол бакта не егеді екен?
Ал онда барлығымыз өз орнымызға отырамыз.
Сергіту жаттығуы.
«Гүл өсірсең терлеп,
Мұның аты - еңбек,
Кесте тіксең зерлеп,
Оның аты - еңбек.
Қырға шықсаң өрлеп,
Оның аты - еңбек.
Қиындықтың бәрін,
Еңбек қана жеңбек.»
(Н.Жанаев)
(Сергіту сәтін өлең шумағының ырғағымен қимыл-қозғалыс арқылы орындау).
Дидактикалық ойын: «Көкөністер мен жемістерді ажыратып, себеттерге орналастыр»
Мақсаты: Көкөністер мен жемістерді ажырата білу. Ойын шарты: тіл дамыту дәптерімен орындалады. Суреттегі жемістерді бір бөлек, көкөністерді бір бөлек себетке топтау.
- Әңгімеміздің жалғасына оралайық, бір күні оған кім келді, ойнайықшы деп?
- Халел қандай бала екен?
- Ал Халелдің ол ісі дұрыс па?
- Ал Садықтың іс-әрекеті сендерге ұнады ма? Неліктен?
- Әңгіме соңында қалай аяқталды?
Мақал-мәтелдің мағынасын түсіндіру.
«Енбек етсең ерінбей Тояды қарның тіленбей.»
Жалпылама хор күйінде жаттату.
|
Әңгімені мұқият тыңдауға тырысады.
- Бағбан деп - бақша егетін адамды атайды.
Ойынды қызыға ойнайды.
Дыбысқа арналған жаттығуды орындайды.
- Кішкентай бағбан. Өйткені кішкентай бала жайында айтылған.
- Садық - еңбекқор бала.
- Ол бақта көкөністер егеді.
Сергіту жаттығуын қимылмен жасау.
Дәптермен жұмыс жасайды.
- Оған Халел келді.
- Халел жалқау бала екен.
Өз ойларын айтады.
Тәрбиешінің сөзін қайталау арқылы, жаттап алуға тырысу.
|
Рефлексиялық - түзетушілік
|
Әңгіме мазмұндауға үйрену керек екендігін айту.
Балалардан не түсінгендерін сұрау.
|
Түсінгенін айтуға тырысады.
|
Күтілетін нәтиже:
біледі: берілген мәтін бойынша әңгімелеуді;
игереді: өз ойын жеткізуді;
меңгереді: еңбектің берекесі болатынын біледі.
Орта тобына арналған
ұйымдастырылған оқу-іс әрекетінің
технлогиялық картасы
Білім беру саласы: Қатынас
Ұйымдастырылған оқу іс-әрекетінің түрі: Тіл дамыту
Тақырыбы: Қонжық бізде қонақта (ойын - сахналау).
Мақсаты: а) Балаларды шағын тақпақтарды жатқа оқуға, кейіпкерлер бейнесін сомдауға көркем оқу әдіс-тәсілдерін қолдануға, дауыс ырғағына, дыбыстау көркемдігіне көңіл аударуға үйрету.
ә) Балалардың ойлау қабілеттерін дамыту. б) Ізеттілікке тәрбиелеу.
Сөздік жұмыс: қонжық.
Қолданылатын көрнекі құралдар: тіл дамыту дәптер, қуыршақ театрындағы қонжық және оның қолындағы бал болу керек. Түлкі, қасқыр, қоян суреттері.
Оқу іс-әрекетінің кезеңдері
|
Тәрбиешінің іс-әрекеті
|
Балалардың іс-әрекеті
|
Мотивациялық – қозғаушылық
|
- Балалар, қазір жылдың қай мезгілі?
- Күз мезгілі сендерге ұнай ма?
- Күз мезгілі несімен ұнайды?
- Күз мезгілінің соңғы айы қарашада табиғатта қандай өзгерістер болады?
- Иә, балалар, қараша айында жабайы жануарлар оның ішінде аю қонжығымен қысқы ұйқыға дайындалады.
- Сендер аюдың баласын қалай атайтынын білесіңдер ме?
|
Қазір күз мезгілі.
- Әрине, ұнайды.
- Күз мезгілі бізге алтындай сары жапырақтарымен, жомарттығымен ұнайды.
Қараша айындағы өзгерістерді айтады.
- Аюдың баласын қонжық деп атайды.
|
Ұйымдастырушылық – ізденістік
|
Ғажайып сәт: Қуыршақ театрындағы қонжықтың келуі.
(Әуен ойналады. Қонжық кіреді, қолында балы бар)
Қонжық: Сәлем, балалар!
Тәрбиеші: Сәлеметсіз бе, қонжық!
- Қонақ келгенде біз қандай ізгі сөздерді айтушы едік?
- Балалар, біз қонағымызға өз өнерлерімізді көрсетейік, ормандағы қонжықтың достарының жүрісін, дауысын салайық. Қонжық қуанып қалсын.
Суреттерді көрсету арқылы сол аңның бейнесін сомдайды: Мысалы:
Кі-кі-кі-түлкі - бұлаңдайды.
Ыр-ыр-ыр-касқыр - ырылдайды.
Ян-ян-ян-қоян - секіреді.
«Аю» өлеңін оқып беру.
Тауға шықсам - қалың қар,
Сайға түссең - қалың қар,
Шырша үсті қалын қар,
Байқаңдар, қар астында
Ұйықтап жатқан аю бар.
И.Тоқмақова
- Қонжық, анаң сені еркелетеді ме?
Қонжық: Әрине, «Қорбаңдаған қонжығым» деп еркелетеді.
Сергіту жаттығуы.
Ормандағы аюдың, құлпынайы көп екен.
Теріп - теріп алайық,
Қалтамызға салайық.
Дидактикалық ойын:
«Қайсысы нені жақсы көреді?» Мақсаты: баланың ойлау қабілетін дамыту, кейіпкерлер бейнесін сомдауға баулу. Шарты: Тіл дамыту дәптерімен орындалады. Суретте берілген жануарларды, құстарды жақсы көретін тағамдарымен қосу. Мысалы: мысық - сүт, ит - сүйек, тауық - тары, лак -шөп.
Дәптердегі жануарлар мен құстардың дауысын, қимылын келтіріп ойнату.
|
Сәлемдеседі.
- Қош келдіңіз! Төрлетіңіз!
Аңның бейнесін сомдайды.
Тәрбиешімен бірге қайталап, қонжықпен бірге жаттап алуға тырысады.
Қимыл-қозғалыс
арқылы
қайталайды.
Суреттерді бір-бірімен сәйкестендіреді.
Қорбаңдаған аюдың қимылын жасайды.
|
Рефлексиялық - түзетушілік
|
Қонжық:
- Балалар, енді мен қайтайын, мені анам іздеп қалар, апаныма түсіп, ұйқыға жатуым керек. Қыс мезгілі де келе жатыр. Мына балдан ауыз тиіндер! Өзім жинаған бал. Сендермен бірге тақпақ жаттадым, жаттығу да жасадым, ойнадым. Сендерге көп рақмет! Көктем мезгілінде тағы да қонаққа келемін. Сау болыңдар!
|
- Сау болыңыз.
- Қонжық, саған тәтті ұйқы тілейміз! Балалар қонжыққа шырша бүрлерін сыйға тарту етеді.
|
Достарыңызбен бөлісу: |
