Оқу және тіл дамыту

Бұл оқу-әдістемелік кешен Типтік оқу жоспары мен мазмұны жаңартылған оқу бағдарламасына сәйкес зерде бұзылыстары бар оқушылардың даму ерекшеліктерін ескере отырып әзірленген.

Оқу-әдістемелік кешеннің құрамына оқулық пен осы нұсқаулық енеді. Әдістемелік құралдың мазмұны төмендегідей міндеттерді шешуді қамтамасыз етеді:

1. 
   Оқушыларға халық ауыз әдебиеті жанрларын оқытуды жалғастыру арқылы ұлттық әдет-ғұрыпты қалыптастыру, адами қасиеттерді оқушылардың бойларына сіңіру, алған білім икемде-рін әлеуметтік өмірде қолдана білуге дағдыландыру.
   

2. 
   Шығармалардың мазмұнын түсініп оқуды қалыптастыру ар-қылы оқушылардың бойында жағымды эмоционалды ерік және жеке қасиеттерді қалыптастыру.
   

3. 
   Оқушыларды қазақ әдебиетінің негізін салушы ақын-жа-зушылардың өмірбаянымен таныстыру, шығармаларымен та-нысып, мазмұнын ашу арқылы сөздік қорын дамыту, монологтік және диалогтік сөйлеу мәдениетін дамыту, әдеби тілде сөйлеу дағдыларына баулу.
   

4. 
   Шығармалармен танысу арқылы еліміздің тарихын меңгерту. Оқушылардың бойында Отанға деген патриоттық сезімдері мен сүйіспеншілігін дамыту.
   

5. 
   Оқушыларды танымал шетел жазушыларымен таныстыру, олардың шығармаларын оқып, талдау арқылы әдеби білім өрісін кеңейтіп дамыту.
   

Зерде бұзылыстары бар оқушылардың танымдық қабілеттері мен оқу материалдарын қабылдау, меңгеру мүмкіндіктері әртүрлі болады. Сондықтан сабақ барысында мұғалім әр оқушының жеке мүмкіндіктерін ескере отырып, оқушыларға деңгейлік тапсырма-ларды ұсынып отыруы қажет.

Әдістемелік нұсқаулықта зерде бұзылыстары бар оқушыларды «Оқу және тіл дамыту» пәніне оқыту үдерісінің жобасы берілген. Оның құрамында:

• 
  жобалы түрдегі тақырыптық жоспарлау;
  

• 
  оқу тақырыптарының технологиялық карталары;
  

• 
  деңгейлік мақсаттылық жүйесі;
  

• 
  әр оқушының материалды меңгеру деңгейін белгілеу үшін оқу жетістіктері карталарының формалары;
  
• 
  оқыту мақсаттары бойынша күтілетін нәтижелер;
  

• 
  сабақтың ақпараттық картасының үлгісі бар.
  

Мұғалім оқу үдерісінің материалдары мен әр оқушының мүм-кіндіктерін ескере отырып, «Оқу және тіл дамыту» пәнін табысты түрде оқытудың жеке жобасын құрастырады.