1-тапсырма. Зерттеу.
Оқушылардан қандай көлік түрлерін білетіндерін анықтайды. Мысалы, ұшақ, пойыз, тікұшақ, теплоход, мәшине, автобус және т.б. Сапарға шыққанда қандай көліктерге мініп, қандай әсер алғандарын сұрайды. Берген жауаптарды түйіндеп, пойыз туралы әңгімемен жалғастырады.
Тапсырмалар мен сұрақтар:
Сыныппен бірге «Теміржол көлігі» туралы бейнетаспа көріп, өз түсінігін айтып беру:
(МК.Ұ.ОТ)
2-тапсырма. Әнді үйрен.
Оқушыларды фонохрестоматия таспасына жазылған жаңа «Пойыз» ән-ойынымен таныстырады (өлеңін жазған: И.Сапарбаев, Әнін жазған: Ж.Тұрсынбаев). Ән үйрету әдістемесі бойынша үйретіледі. Басында мұғалім ән және авторлар туралы мәлімет береді, мазмұны бойынша оқушылармен әңгімелеседі, тағы бір рет тыңдатады, одан кейін әнді үйретуге кіріседі.
Қиындықтан, қиындықтан қашпайық,
«Пойыз» ойын, «пойыз» ойын ойнайық! – 2 рет
Бип-бип, бип-бип, бип....
Мен тепловоз, тепловоз аталам, Астанаға, астанаға бет алам. – 2 рет
Тез жетуді, тез жетуді көздейміз. - 2 рет Оо! Оо! О!
Көп қаладан, көп қаладан өтеміз,
Астанаға, астанаға жетеміз.
Тез жетуді, тез жетуді көздейміз. – 2 рет Оо! Оо! О!
Қызық болды-ау, қызық болды-ау, кеп қалдық,
Енді жайлап, енді жайлап тоқталық. – 2 рет
Бип-бип, бух-бух, пыш!
Тапсырмалар?
- Әнді мұғалім талабы бойынша үйрен.
-Әннің мазмұнына және көңіл күйіне қарап, сыныппен бірге мәнерлеп, әдемі айтуға тырыс.
-Бірінші шумақтың «Қиындықтан, қиындықтан қашпайық», «Бип-бип, бип-бип, бип» деген сөздердің ырғағын шапалақтап немесе қарындашпен тақылдатып көрсет.
«Пойыз» әнімен танысады, мұғалімнің айтқан талаптары бойынша үйренеді.
Сабақ соңында оқушылар өздерінің іс-әрекетін рефлексия негізінде бағалайды.
(О) Бағалау. Рефлексия.
-Бүгінгі сабақта мен не білдім?
-Бүгінгі сабақта нені үйрендім?
-«Пойыз» ән-ойынын қалай орындадым?
-Ән-ойынды орындағанда қандай қиындықтар болады?
Рефлексия. «Бағдаршам»:
Қызыл- бүгінгі сабақты түсінбедім.
Сары-сабақтың кейбір жерлерін түсіндім.
Жасыл-сабақта барлығын түсіндім.
1.1.1.1 Есту қабілетіне сүйеніп таныс дыбыстарды, музыканы тану;
1.1.2.1 Ән айтуда оның сипатына және әндету ережелеріне сәйкес орындау;
1.1.3.3 Негізгі музыкалық ұғымтарды білу;
1.1.3.6 Нота сауаттылығының негіздерін білу;
1.2.1.1 музыкалық шығармашылық жұмыс арқылы шығарманың сипатын жеткізу;
Сабақтың мақсаты
Барлығы: Есту қабілетіне сүйеніп таныс дыбыстарды, музыканы таниды.
Көпшілігі: Ән айтуда оның сипатына және әндету ережелеріне сәйкес орындайды.
Кейбірі: Негізгі музыкалық ұғымдарды біледі.
