1970 жылы, ерте орта ғасырдағы ұлы ойшыл және энциклопедист Әбу-Насыр-әл-Фарабидің (870-950) туылғанына 1100 жыл толады. Ол Қазақстанның (Отырар) тумасы, оның өз заманындағы көптеген ғылым салалары бойынша еңбектері әлемдік мәдениет тарихында өшпес із қалдырды, соның үшін ол Аристотельден кейінгі екінші мұғалім деген атаққа ие болды. Фарабидің эстетика, әдебиет және өнер саласындағы зерттеулері Шығыстың Орта Азия мен Қазақстанның, Омар Хайям, Джамы және тағы басқаларының көркемдік мәдениетінің дамуында маңызды рөл атқарып, терең тамырлар қалдырды.
Қазақ ССР-ы Ғылым Академиясында Әл-Фарабидің мұрасын зерттеу бойынша проблемалық топ құрылды. Фарабидің мұрасын зерттеу бойынша жұмыстарды қыздыра түсудің маңызды кезеңі 1100-жылдық мерейтойда атап өту болуы тиіс және оны Қазақстанда Фарабидің отанында тойлау патриоттық және саяси тұрғыдан мақсатқа сай келер еді.
Қазақ ССР Ғылым Академиясының Президиумы дүниеге келгеніне 1100жыл толуына байланысты Әл-Фарабидің мерейтойын басқа республикалардан 30 адам қонақ шақырып өткізуге рұқсат сұрайды. Фарабидің мерейтойын даярлау және ұйымдастыру үшін Республика Ғылым Академиясының мекемелерінен басқа КСРО Ғ.А. Азия халықтары институты және КСРО Ғ.А. қатыса алады.
Мәселе оң шешімін табатын болса Әл-Фарабидің мерейтойын өткізу уақыты 1970 жылдың тамызында атап өтілетін Абай Құнанбаевтың 125 жылдық мерейтойымен бірге өткізуге мүмкіншілік туатын болады.
Қазақ ССР Ғ.А. Президиумы Әл-Фарабидің 1100 жылдық мерейтойын ЮНЕСКО шеңберінде атап өту мәселесі бойынша Одақтық Үкіметтің ЮНЕСКО-ға ұсынысын әзірлеуді сұрайды.
