Қазақстан республикасы білім және ғылым
жүктеу/скачать 462,66 Kb.
|
ibraimova-kazak-otbasy
| Ала жіпті аттамау – адал болу, біреудің нәрсесіне қол сұқпау.
Альянс- ортақ мақсаттарға жету үшінкелісім шарт негізінде жасаған ұйымдардың одағы, бірлестігі. Ана тілі- халықтың асырлар бойы жинаған тәжірибесін жеткізетін органикалық механизм, тұлға үшін халықтың көп ғасырлық даналығына, оның мәдениеті мен болмыс дәстүріне қатысудың жалғыз жолы. Атамекен- бабалардан жеткен, тағдырдың сыйы, әр адам үшін жалғыз, бірегей Отан. «Ә» Әдеп- игі әдетпен,өміршең әдет-ғұрыппен қалыптасқан ұлттық мәдениеттің көрінісі, мәдени үрдістердің, имандылықтың тірек-негізі. Әдептілік- белгілі моральдық нормалар мен принциптерді бұлжытпай орындау. Егер моральдық нормалар мен принциптер кісінің бойына сіңсе, ол адамдардың әдептілік қасиеті не әдептілік сезімі болып саналады. Әдептілік – ізетті, сыпайы, инабатты білдіретін қасиет. Әдет-ғұрпы- белгілі ситуациядағы адам мінез-құлқының қайталанатын әдетті дағдылары. Әдеп сақтау – адамдар арасындағы қарым-қатынас нормасын орындап жүру. Әдет – жеке адамның қажетіне айналып, қалыптасып кеткен тұрақты әрекеті. Әдет-ғұрып – дәстүрге айналған, жалпыға бірдей қалыптасқан, әр этносқа тән ортақ тәртіп, салт-сана. Әлеуметтану ғылымында отбасы- некеден және қандас туыстар негізінде құрылған кішігірім топ. Әке тәрбиесі – әкенің ұл баласына үйрететін тәлім-тәрбиесінің жиынтығы. Әмеңгер – жесір әйелдің күйеуінің орнын басуға құқылы қайнысы мен қайын ағасы. Әңгүдік – даңғой, жарымес, делқұлы адам. Әңгімелесу – ұстаз бен шәкірттің өзара пікірлесуі, ой бөлісуі. Бұл ертеде Сократтың әңгіме әдісінен, яғни ұстаз-ғалымның көпшілікпен алаңда халықпен пікірлесуінен шыққан. Әулекі – өзін ұстай білмейтін, дарақы, даңғой адам. Әулет дәстүрі – бір атаға жататын үрім-бұтақ, туыс адамдардың өздеріне тән мұралық дәстүрі. жүктеу/скачать 462,66 Kb. Достарыңызбен бөлісу:
|