Ғылыми-әдістемелік орталығЫ «Қалалық Әдістемелік кабинет»

Бүгінгі таңда «Фонетика» ағылшын тілінде жеке пән ретінде орта мектептерде оқытылмайтындықтан, бұл бағдарлама ағылшын тілі пәніне қосымша оқу құралы болып табылады. Оқушылар бағдарламада белгіленген тақырыптар мен тілдік материалдарды оқып үйрену барысында шетел тілін дұрыс интонация мен сөйлей алады. Сонымен қатар оқушылар әдебиеттерді, электронды оқулықтар, мультимедия, фонетика бойынша бейнекурстар мен тестерді пайдалана алады. Бағдарламаны оқыту барысында оқушылардың сөйлемдерге, сөздерге екпін қою, буын және буын түрлері, интонация және ағылшын африкаттары бойынша қомақты жұмыс жүргізіледі. Курста өтілген әрбір тақырыпқа талдау, жаттығу, тест жұмыстарымен қорытынды жасай отырып, оқушы бағаланады. Бұл сабақтарда баланың тақырыптар бойынша алған білімдері ескеріліп, білім мен дағдыларының деңгейіне қарай бағаланады. Бұл әдістер арқылы білімді тереңдетуге болады. Оқушылардың білімін бағалау бес балдық жүйе бойынша жүргізіледі. Бағалауға қойылатын талаптар:

«5» деген баға: курстың тақырыбын толық меңгерген; ағылшын тілінде сөйлеген кезде сөздердің дыбысталуына көп мән бергенде;

«4»деген баға: тақырыпты жақсы меңгерген, тапсырмаларды қажетті деңгейде орындаған, ағылшын тілінде сөйлеген кезде сөздердің дыбысталуына мән бергенде;

«3» деген баға: тақырыпты толық меңгермеген, өз пікірін айтып ағылшын тілінде сөйлеген кезде екпінге мән бермегенде; тапсырманы үлгі бойынша орындағанда;

«2» деген баға: тақырыпты меңгермеген; сұраққа жауап бере алмайтын.

БАҒДАРЛАМА

1-7 сыныптар үшін вариативті курс оқыту бағдарламасы бойынша

мектеп-гимназиясының 2-3-сыныбына арналған

2-3 сынып оқушыларына арналған

(аптасына –1 сағат, барлығы – 34 сағат)
Машакова С.С., Исақұлова У.C.

№ 152 мектеп- гимназия

Тансықбаева Б.А., М.Тынышбаев атындағы Қазақ көлік және коммуникациялар академиясы, доцент, филология ғылымдарының кандидаты

Бүгінгі күнгі қоғамдық өзгерістерге байланысты Республикамыздың шет елдермен байланысы кеңейе түсуіне байланысты ағылшын тілінің ұлтаралық қатынас тілі ретінде маңызы ұлғайып, қажеттілікке ие болып отыр. Сөйлеу тілі енді ғана қалыптасып келе жатқан оқушылардың ағылшын тілінде еркін сөйлеуіне, жазуына жол ашу мақсатында ақпараттық техника мен технологияларды кеңінен қолдану қажет.

Тәуелсіз мемлекетіміздің болашағы – бүгінгі мектеп оқушылары. Оларға бірдей талап қойып, олардың табиғи қабілеттерін, нақты мүмкіндіктерін анықтап, соған негіздеп оқыту – бүгінгі күннің өзекті мәселесі.

Сондықтан да ел ертеңіне алаңдайтын, болашақ тұтқасын ұстайтын жас ұрпақтың ертеңгі күні әлем кеңістігіне еркін енуі үшін ағылшын тілінің алар орны ерекше.

Ағылшын тілі бойынша ұсынылып отырған бағдарлама жалпы білім беретін 11 жылдық мектептердің 1сыныптан бастап ағылшын тілін оқитын оқушыларының 2-3 сыныбына арналып жасалған. 1-2 сынып көлеміндегі материалдарды еске түсіріп, қайта жаңғырту, ауызекі сөйлеу, диалог құрау сияқты алған білімдерін пысықтау, жинақтау, қайталау және толықтыру мақсатында құрастырылды.

Курс барысы түсіндірме сабағынан бастап,талдау, практикалық сабақтар, жұптық, топтық жұмыстар, түрлі ойындар ойнату арқылы іске асырылады.

Бағдарлама мақсаты: төменгі сынып оқушыларының мүмкінділігі мен қажеттілігін ескере отырып, ағылшын тілінде сөйлеу, есту оқу, жазу және қарапайым тілдесу дағдыларын қалыптастыру; төменгі сынып оқушыларының тұлғалық бейнесін, сөйлеу қабілетін, зейінін, ойлау және есте сақтау қабілетін дамыту; ағылшын тілін ары қарай оқуға ынталандыру; төменгі сынып оқушыларының ағылшын тілін қатынас тілі ретінде пайдаланудағы психологиялық кедергіні жою үшін жаңа тіл әлеміне коммуникативтік-психологиялық бейімделуін қамтамасыз ету; төменгі сынып оқушылары оңай қабылдайтын қарапайым лингвистикалық бейімделуін қамтамасыз ету; төменгі сынып оқушыларын шетелдік құрбыларының өмірімен таныстыру, өзге ел өкілдерімен достық қарым-қатынаста болуға тәрбиелеу; төменгі сынып оқушыларының сөйлеу, ойлау және танымдық қабілетін қалыптастыру.

Бағдарламаның міндеті: сөйлеу тілі жаңадан қалыптаса бастаған төменгі сынып оқушыларының ағылшын тілінде дұрыс сөйлей алуын, жазуын, лексикалық қорын байыту, логикалық ойлау және тілдерін байыту. Ағылшын тілінің лексикасын, фонетикасын, грамматикасын меңгерту тұрғысында оқушылардың белсенділігін арттыру, өз беттерінше жұмыс істеуге үйрету, қабілетін арттырып, жұмыс істей алуға баулу.

Оқушыларды өзге елдің тілін меңгеруге, жаза алуға, сөйлей алуға, сауатты жазуға,аудара алуға,ауызекі сөйлей алуға үйрету.

Бағдарламаның өзектілігі:

Жеке тұлғаны қалыптастыруда ана тілімен қатар шет тілін меңгерту – заман талабы. Шетел тілін білуге ұмтылған жас ұрпақ өзіне жаңа бір әлем ашады. Басқа тілді оқып үйрену оларға қиын болып көрінуі мүмкін, оқушыларымыз әлем тілдерінің бәрін меңгеріп, халықаралық деңгейде танылып, білімділігін көрсете алса – зор жетістік болар еді. Осы орайда, ағылшын тілін 1 сыныптан бастап оқытуға байланысты берілген, 1-4 сыныптардағы аптасына 1 сағаттық жүктеме енді ғана ағылшын тілін үйренуге бет бұра бастаған төменгі сынып оқушыларына аздық етеді. Сондықтан да 1 сағат қосымша сабақ енгізудің берер көмегі зор.

Бағдарлама мемлекеттік білім стандартының және базалық оқу жоспары негізінде жасалды. Бағдарламада сағат саны шартты түрде берілді, оқу жоспарында пәнге бөлінген уақыт мөлшеріне сәйкестелді.

Жалпы білім беретін 11 жылдық мектептердің «1 сыныптан бастап ағылшын тілін үйрету» бағдарламасы бойынша 2-3 сыныбына арналған “ Let’s learn and speak English” бағдаралды элективті курсының бағдарламасы.( аптасына – 1 сағат, барлығы – 34 сағат). Ағылшын тілінде мектеп бағдарламасы ауқымында шәкірттерді коммуникацияға үйрету, ауызекі тілде сөйлету – бүгінгі күн талабы болып отыр. Алдына қойылған мақсаттар мен міндеттерді жүзеге асыру үшін “Let’s learn and speak English”, бағдаралды элективті курсының мазмұны тақырыпқа сай құрылған.

Бағдарлама 34 сағатқа негізделіп, тарауларға бөлінген.

Бірінші тарау:Ағылшын тілі халықаралық- қатынас тілі – 2сағат

Кіріспе сағат –1 сағат

Негізгі бөлім –1 сағат

*Ағылшын тілі, оның қазіргі замандағы алатын маңызды орны. Сол тілде сөйлейтін елдер, яғни мемлекеттер: Америка,Ұлыбритания,Канада, Австралия, Жаңа Зеландия.

Ағылшын тілінің фонетикасы – 12 сағат

Екінші тарау: Фонетика сөзінің мағынасы, дыбыс, әріп, ағылшын әліпбиі. Фонетикалық белгілер – әріп және дыбыс оқылуының ерекшеліктері. Дауысты және дауыссыз дыбыстардың оқылуы. Әріп тіркестері және оның оқылуы. Оқылмайтын дауыссыз дыбыстар. Дифтонгтар.

Буынның түрлері: ашық буын және жабық буын, буын типтері.

Үшінші тарау: Грамматика – 14 сағат

Артикль A/An,“to be”етістігі, “to have”етістігі,”to like” етістігі, “can”модальдық етістігімен жұмыс жасауға үйрету.

Зат есім:

Саналатын және саналмайтын зат есімдер: I want some… . I want a/an… .

Сын есімдер: big, little. It’s a little cat-It’s a big cat, It’s a little house-It’s a big house

Төртінші тарау – 4 сағат

Сөйлем құру, сөйлеу, монологтік және диалогтік тілді дамыту.

Бесінші тарау – 2 сағат Талдау. Тестік тапсырмалар.