жоқ» (Тәубе сүресі, 92) және
«Онымен қатар мүміндердің біртұтас жауға аттанулары тиісті емес. Сонда әр топтан дін ғылымын үйреніп, олар қайтып келгенде; олардың сақсынулары үшін ескертулері керек емес пе?» («Тәубе»
сүресі,
122),– делінген аяттарымен күші жойылған.
«Нұр» сүресіндегі аяттар: 17. «Зинақор ер, зинақор немесе мүшірік әйелмен үйленуге лайық. Зинақор әйел де зинақор немесе мүшірік ермен ғана некелеседі» («Нұр» сүресі,
3),– деген аят үкімі, осы сүредегі:
«Іштеріңдегі бойдақтарды, сондай-ақ қолдарыңдағы құл, күңдердің ізгілеріне үйлендіріңдер» («Нұр» сүресі, 32),–
деген аятпен мансұхталған.
18. «Нұр» сүресінің:
«Ей, мүміндер! Меншіктеріңдегі құл-күңдер, әлі ержетпеген балаларың, осы үш мезгілде (жандарыңа)
рұқсат сұрап кірсін: Таң намазының алдында, түсте киімдеріңді шешкен уақытта және құптан намазынан кейін» («Нұр» сүресі, 58) аятының да мансұхталғандығы айтылады.
Имам әз-Зурқани: «Бұл аят үкімінің жойылғандығына дәлел жоқ. Әсілі, бұл аят –
мухкам, яғни үкімі жойылмаған»,– дейді
41
.
19.
«Саған бұдан кейін әйелдер (осы әйелдеріңнің үстіне әйел алу)
адал болмайды, сұлулықтары қызықтырса да жұбайларыңды ауыстыруға (бірінен
ажырасып, орнына басқа әйел алуыңа)
болмайды» («Ахзаб» сүресі, 52) аятын, осы
сүренің:
«Ей, пайғамбар! Расында саған мәһірлерін берген жұбайларыңды, Алла саған нәсіп етіп, иелігіңде болған күңдерді, сенімен бірге көшіп келген әкеңмен туысқан ерлердің, әкеңмен туысқан әйелдердің, шешеңмен туысқан ерлердің әрі шешеңмен туысқан әйелдердің қыздарын халал қылдық. Сондай- ақ, егер мүмін бір әйел өзін пайғамбарға бағыштаса, пайғамбар онымен
