Р. Т. Наралиева

1. 
   Мәтінді мәнерлеп оқыңыздар.
   
2. 
   «Балалық шағымның аспаны» және тағы да басқа Елбасымыз туралы көркем, деректі фильмдерді көріп, мазмұнын әңгімелеңіздер.
   
3. 
   Елбасының өнегелі отбасының тәлімінің және «отан отбасынан басталады» деген халық даналығының мәнін ұштастыра сипаттаңыздар.
   
4. 
   «Менің көшбасшым» тақырыбына шығарма жазыңыздар.
   

Өркениетті кез келген мемлекет өзінің ертеңгі болашағы туралы терең ойлайды және ел болашағының жарқын болғанын қалайды. Дамыған елудің қатарына енген Қазақстан көзін алысқа тастап, өркенді топ-30 елдің қатарына енуді межелейді. Еліміздің өркендеуі, гүлденуінің кепілі – білікті де білімді азаматтар. Ал бүгінгі білімді де алғыр студент – ертеңгі білікті маман. Сондықтанда елімізде жастарға деген ықылас ерекше. Зейінді жастар мемлекет грантына ие болып елміздің алдыңғы қатарлы жоғары оқу орындарында білім алуда. Ал «Болашақ» бағдарламасы алғыр жастарды алыс-таяу шетелдерде жоғары білім алуына қол жеткізді. Еліміздің жарқын болашағы кепілі – жас тарға мемлекет тарапынан үлкен көңіл бөлінеді. Арнайы жасалған жастар саясаты да – осы үлкен қамқорлықтың дәлелі.Ал 2014 жылдың 17 қаңтарында Қазақстан Республикасының Президенті Н.Ә.Назарбаев «Қазақстан жолы – 2050: Бір мақсат, бір мүдде, бір болашақ» атты Қазақстан халқына жолдауын ұсынды. Жолдауда Елбасының «Біздің болашаққа барар жолымыз қазақстандықтардың әлеуетін ашатын жаңа мүмкіндіктер жасауға байланысты. ХХІ ғасырдағы дамыған ел дегеніміз – белсенді, білімді және денсаулығы мықты азаматтар. Бұл үшін біз не істеуіміз керек? Таяудағы 2-3 жылда дуальдік, техникалық және кәсіптік білім берудің ұлттық жүйесінің негізін қалыптастыру керек. Келешекте жастардың техникалық білім алуын мемлекеттік кепілдендіруге көшіруді қарастыру қажет. Үкіметке 2014 жылғы 1 маусымға дейін осы мәселе бойынша нақты ұсыныстар енгізуді тапсырамын.» - деген сөзі жастар бойына жаңа серпіліс берді.