Жаратылыстану-математикалық бағытта бейіндік оқытудың әдістемелік ерекшеліктері
жүктеу/скачать 0,99 Mb. Pdf көрінісі
|
| Оқу-танымдық құзыреттілік:
танымдық есептерді құрастыру және шешуі; проблемалық жағдайларды шешуі; өздігінен танымдық іс-әрекетке дайын болуы; дедукциялық пайымдаулар жүргізе білуі; кеңістіктік фигураларды елестете және кескіндей білуі; алған теориялық білімдерді шынайы жағдайда қолдана білуі. Ақпараттық құзыреттілік: қазіргі заманғы ақпараттық-коммуникациялық технологиялардың көмегімен ақпараттарды табу, талдай және іріктей білуі; алған ақпаратты құрылымдай және жүйелей білуі; сыни байыпты ақпарат негізінде саналы шешім қабылдауға даяр болуы; ғылымдар негізі және ғылыми жетістіктердің қолданылу аймақтары бойынша білім жүйесін меңгеруі; 33 ақпаратты өздігінен талдау, өңдеу, іріктеу, жүйелеу, түрлендіру, сақтау, тасымалдау және оқу қызметінде пайдалану әрекеттерін білуі; танып білу, модельдеу, құрастыру әдістерін меңгеруі; оқу қызметі үдерісінде өңделген ақпаратты қолдана білуі. Коммуникативтік құзыреттілік: есептерді шешу және оқу материалын игеру үшін ауызша және жазбаша қатысымның әртүрлі жолдарын пайдалануы; қатысымдық мәселелерді шешуде ақпараттарды алмастыра білу дағдысын меңгеруі; ортақ нәтижеге қол жеткізу үшін топпен жұмыс істеу дағдысын меңгеруі; әдептілік нормаларына сәйкес өз көзқарасы мен ойын көрсетіп, жеткізе білуі; оқудағы және күнделікті өмірдегі мәселелерді шешу үшін ауызша және жазбаша қатысымның әртүрлі тіл құралдарын пайдалана білуі; оқу және әлеуметтік мәдени қарым-қатынас жағдайларында өнімді әрекеттесуді жүзеге асыра білуі; қатысымдық іс-әрекеттерде өзінің қатысуын бағалай білуі және осының негізінде өзіндік түзетулер жасай білуі; Жекелей өзін-өзі жетілдіру құзыреттілігі: эмоциялық өзін-өзі басқару және өзін-өзі ұстау тәсілдерін меңгеруі; өз мүмкіндіктерінің негізінде өзінің қызығушылығына қарай іс-әрекеттің тәсілдерін меңгеруі; жеке тазалықтың ережелерін сақтауы және өз денсаулығын күтуі; өзінің істері мен әрекеттері үшін мақсаттық және мағыналық қойылымдарды таңдай білуі; пайда болған жағдайларда дұрыс шешімдер қабылдай білу қабілетінің болуы; салауатты өмір салтын жүргізуі және үгіттеуі; өзінің жеке құндылық сезімін және өз елінің азаматының құндылық сезімін көрсете білуі; өздігінен білім алу, өз мүмкіндігін іске асыру, жасампаз еңбектену қабілетінің болуы; адамның физикалық, рухани және интеллектуалды өзін-өзі дамыту қабілетінің болуы; Азаматтық құзыреттілік: қоршаған әлемді дұрыс қабылдай білуі, жоғары этикалық құндылықтар, азаматтық және патриоттық негізінде қоғамның саналы өмірінде өз орнын таба білуі; Қазақстан Республикасының Конституциясына, мемлекеттік рәміздерге, мемлекеттік тілге құрмет көрсетуі, заңдарды және құқықтық тәртіптерді сақтауы. Әлеуметтік құзыреттілік: жалпы адамзаттық мәдени жетістіктері, ұлттық ерекшеліктері, этномәдениеттік құбылыстар мен жеке, отбасылық және әлеуметтік өмір салттары негізінде танып білу мен іс-әрекет тәжірибесін иеленуі; қазақ халқының және Қазақстанда өмір сүріп жатқан басқа да ұлыстардың тарихына, мәдениетіне, салт-дәстүріне және басқа құндылықтарына құрметпен қарауы; әлеуметтік ортаның ерекшеліктерін дұрыс бағалай алуы, қоғамға жат құбылыстарға, идеологиялық, діни ағымдарға және заңды бұзушылық әрекетке қарсы тұра білуі. Басқарушылық құзыреттілігі: жоспарлаудың және іс-әрекеттерді ұйымдастырудың нақтылы болашағымен өз мүмкіндіктерін ұштастыра білуі; әртүрлі өмірлік жағдайларда дұрыс шешім қабылдай білуі; баламалы мүмкіндіктермен салыстырмалы түрде таңдап алған шешімді негіздей білуі; аналитикалық және жаңашыл ойлауға ие болуы, жаңашыл қызметке ұмтылуы. жүктеу/скачать 0,99 Mb. Достарыңызбен бөлісу:
|